feast of black nazarene - -
devotees and pickpocketers
in line
14 years of civil war
behind the smile
hides the bitterness of their past
mothers day--
a mother leans on the window
still waiting
labor day - -
a father brings a kilo of rice
for his family
labor day - -
young boys fall-in line
at SM Mall of Asia
restaurant - -
beggars in the window
swallowed saliva
rainy morning - -
red ants crawl
in humpy mud
Rainy days - -
frogs jump
for joy
Early morning - -
sampaguita smells
in my room
a farmer smiles
as the rain
touches his face
lighted candle
charcoal house standing
the next morning
Dusk - -
Fisherman’s fishing line
Catches cellophane
rainy season - -
brown grass
turns green
Father’s Day - -
father dances
in the tune of baby’s cry
Father’s Day - -
creek, creek
lolo in rocking chair alone
Dawn - -
after the rain
frogs sing in chorus
Noon time - -
behind the clouds
sunshine
midnight--
twinkle star
after the rain
come go come
waves
in shoreline
rugs
in the floor
hanging in the wall
tramp in the street
shivers
evening breeze--
jump from the plane
adrenalin rush again
airborne—
overflow--
the wooden footbridge
swing
a baby cries
after the last drop
of milk
Cold night --
the baby girl hugs
her fathers’ dress
black ants --
carry a load
twice in his size
dirt in the mirror
also in my face
early morning --
Midnight --
my daughter hugs
my pillow
dragonfly lands
in the mouth of frog
early morning—
heron--
neck stretches
out of bushes
your smiles--
inspires me
in my daily endeavor
eclipse - -
sun and moon
became one
crack of dawn - -
a dog barks
facing east direction
wild fire –
a nightmare
to the victims
harvest day - -
rats and birds together
in rice field
termites - -
an engineer
of soil structure
start of ber months - -
long sleeve coats
sold-out
martial law anniversary- -
Filipinos
laugh freely
tree
in a tree
grows
christmas breeze- -
my lolo
hugs himself
typhoon ondoy - -
ocean in the middle
of the city
flooding river
garbage also flooding
after typhoon ondoy- -
before a car
now a boat
running in the street of pasig--
all souls day - -
a candle & a flower
in a crack tomb
labor room, then, operating room
at dawn of 12 Dec 09 - -
a baby girl was born
29 December 2009
Hailuwa
Wa pa gapamaeo ro manok - -
sa eanas eon si tatay
agod makapangabay
nga makagaeab sa andang paeay
Magtigom
agod may kuoton
kon kinahangaeanon
Magobra ka
Ayaw’t hueata
Mag-abot ro grasya
tigasaw
pagmakapang-it
makangit-ngit
Kauswagan
dapat magbueoligan
agud maabtan
Jose bugtaw ka
ro anwang pahaeaba
idto sa uma
Bugsay pa
agod umarangkada
ro aton nga baesa
Kahig iya kahig idto
hasta sa mapudpod
ro aton nga kukod
Tapangan
isag-on sa hapun
butwaon pagkaagahon
Kun tag-ueoean
ro mga paka
gakala-kala
Kabuhi - -
medyo baroto
kun indi ka antigo
makueob kat-imo
Baybayon it akean--
may akon nakita
mabahoe nga isda
isda nga mamsa
nga dinagsa
Ligom dueom- -
sa Tangaean
abo nga basnigan
gadakop it tulisan
sa eanas eon si tatay
agod makapangabay
nga makagaeab sa andang paeay
Magtigom
agod may kuoton
kon kinahangaeanon
Magobra ka
Ayaw’t hueata
Mag-abot ro grasya
tigasaw
pagmakapang-it
makangit-ngit
Kauswagan
dapat magbueoligan
agud maabtan
Jose bugtaw ka
ro anwang pahaeaba
idto sa uma
Bugsay pa
agod umarangkada
ro aton nga baesa
Kahig iya kahig idto
hasta sa mapudpod
ro aton nga kukod
Tapangan
isag-on sa hapun
butwaon pagkaagahon
Kun tag-ueoean
ro mga paka
gakala-kala
Kabuhi - -
medyo baroto
kun indi ka antigo
makueob kat-imo
Baybayon it akean--
may akon nakita
mabahoe nga isda
isda nga mamsa
nga dinagsa
Ligom dueom- -
sa Tangaean
abo nga basnigan
gadakop it tulisan
Bakod
unga
naghampang
isaeanhon eang
gapamantaw ro nanay
sa may ugsaran
anwang
gatanga
sa kaeangitan
sa sobrang init adlaw
papisok-pisok
akon
mahaeon
ro a'ng asawa
hasta maduea iya
sa kalibutan
itlog
it umbok
naglitik-litik
gabaeanta ro sueod
gustong gumuwa
unga
nagtikeob
sa sueod’t kuna
ginabantayan’t yaya
nga ginaduyog
eawod
gabukae
gaasak-asak
gabalilin ro humbak
pakatueondan
hagdan
nga kimpang
inabot baha
baha nga tagaliog
unga nageangoy
duyan
gahabyog
unga hamuok
gapaduyog ro nanay
gapanampuay
baeay
inanod
naguetaw-eutaw
sa dating kaeanasan
makaron eawod
gutom
inagi
sa pagpanghuy-ab
gadaguok ro tiyan
ni lolo jose
agiw
nagdukot
sa manga ding-ding
pag-abot it agahon
nanay gapunas
paskwa
maeamig
kun aga-aga
ro anwang sa kug-ungan
gabinaeanta
naghampang
isaeanhon eang
gapamantaw ro nanay
sa may ugsaran
anwang
gatanga
sa kaeangitan
sa sobrang init adlaw
papisok-pisok
akon
mahaeon
ro a'ng asawa
hasta maduea iya
sa kalibutan
itlog
it umbok
naglitik-litik
gabaeanta ro sueod
gustong gumuwa
unga
nagtikeob
sa sueod’t kuna
ginabantayan’t yaya
nga ginaduyog
eawod
gabukae
gaasak-asak
gabalilin ro humbak
pakatueondan
hagdan
nga kimpang
inabot baha
baha nga tagaliog
unga nageangoy
duyan
gahabyog
unga hamuok
gapaduyog ro nanay
gapanampuay
baeay
inanod
naguetaw-eutaw
sa dating kaeanasan
makaron eawod
gutom
inagi
sa pagpanghuy-ab
gadaguok ro tiyan
ni lolo jose
agiw
nagdukot
sa manga ding-ding
pag-abot it agahon
nanay gapunas
paskwa
maeamig
kun aga-aga
ro anwang sa kug-ungan
gabinaeanta
MahabangaBinaeaybay
“Baybayon it Akean”
Kon tig-aeamihan
ro baeay may tukod
sa katueondan
agod indi’t hapayon
it hangin nga dayuyon
Ro atop
gabaealiskad
sa kabaskugon
Indi makapaeawod
gabukae-bukae
ro eawod
Para may pangsuea
katunggan
ginkuyaktan
kon imo tan-awon
eanas-eanas eon
Manag-a, manikop,
magsag-on’t tapangan
mangahig it kayog
sa katangkehan
Magubod it nipa
agod may tinuea
ieamhay sa sinikpan
tapos payukan
Paghalin ni amihan
malipayon ro tanan
malinaw ro kaeaeawran
makapamunit eonman
Abo nga tawo
sa baybayon
medyo fiesta
kon tan-awon
Sari-saring isda
ro imong Makita
halin sa maeagko
paadto sa maisot
Kon panginhason
ro imong isuyon
sa tangaean ka maadto
abo sanda idto
gapamueot it bato
saang,sikad-sikad, bug-atan
may kagay-kay ag sigay,
imbaw, litog, abahong
agihis, taeaba
puyde sabawan ag kilawon
Kon gusto mo magpahangin
sa baybayon it Jawili
maligos sa baybay
daritso sa busay
Ruyon ro manggad
it aton nga kaeaeawran
ngani kasimanwa
aton gid nga amligan
“Kaeueuoy nga jose”
Si jose
Perti,
Kon magpadeagan
It awto
Abaw, grabe!
Nagaburhot eang.
Hambae nana
Kon mahinay ka
Maabutan it disgrasya
Sa kadasig na
Owa maabti.
Pero bumonggo sa poste
Anang ueo bumotse.
Kaeueuoy nga jose
Nalipatan,
Ro disgrasya
Sumubeang
T’a kana.
“Pabay-i eang nay”
ano ing ginaobra nay?
hambae ni bong;
si bong hay pitong dag-on.
ginaukay ko ro imong
mga luma nga eambong
hay akon nga tapaean
ro mga gisi.
sabat it anang nanay.
ham-an tapaean mo nay?
nangutana imaw it uman.
bong, sa hunyo
gabukas ro eskuylahan.
maiskuyla ka eon bong
owa man kita’t kwarta
pangbakae it ternong kamiseta.
sige eang nay a
puyde pa man ron
basta malimpyu eang
ro anang ilukon.
pabay-i eang nay
maeskuyla gid ako it mayad
agod indi eon kamo
malisdan ni tatay.
hinapeos it nanay ro ueo ni bong
nagtueo ro euha
sa nabatian sa anang unga
ham-an nagtangis ka nay?
owa bong a;
napuling eang ang mata.
“Mahae ko”
(Haead ko sa akong asawa)
Sa unang adlaw ikaw nakilaea
Ro imong tan-aw may kung anung daea
Gapaeanutsot sa kasudlan it akon nga kaeawasan
Eabi gid sa akon nga tagipusuon ikaw nagustuhan.
Owa eon ako nagusik it oras ag tyempo
Basi maunahan pa ako it iba nimong amigo
Sinampit ka magpakasae huo eagi sinimo
Ngani natigayon ro pagsambilog natun.
Ro atun nga pag-iba binugnaan it ginuo
Ngani sa kalibutan ato’ng unga natawo
Ag sa sunod nga binuean maguwa eonman
Ro pangaywa nga bunga it paghigugmaan.
Maskin meyor eang nagkasae katon
Ro aton nga pag-iba owa’t kapares sa iba
Gapalanggaan kita sa oras nga tanan
Owa’t makapabueag hasta kamatayan.
-unga sa karito-
Kato…
gasakay imaw sa karito
ginatikeod it anang tatay ag nanay
paadto sa pangitan-an
bukid nga tambakan; basura it manga gamhanan.
Makaron…
owa eon imaw gasakay
imaw eon gatikeod it karito
ro anang unga gasakay
nga gusto man magtikeod it wasak eon nga karito.
Hasta san-o?
magtiyog sa makara ro pangabuhi nanda.
paano sanda makausoy it ubra?
kun ro ubra indi makaabot kanda.
Kun owa ka man it kilaea
indi ka makasueod sa ubra
pero ro iba maskin owa it diploma
basta ninong si congressman
nagasweldo kada kinsenas ag katapusan it buean.
-Politikadong tawo-
Ro manga kandidato
Mayad eang kun eleksyon
Maski ano’t eayo gusto abuton
Makapangayo eang it bulig nga iboto, promisa ro kabaylo.
Pagkatapos ngani it eleksyon
Ro nagdaog malipayon.
Mintras ro pirde masinueob-on,
Hay naubos ro manggad it pamakae sa boto natun.
Pero ro nagdaog
Gadahan-dahan eon
It pagbawi ko anang gasto
Ko nagtaliwan nga engkwentro.
Ro anang promisa owa eon baliha
Owa eon madumdumi hay grabe imaw kabise.
Owa gid nana panumduma ro pamueoyo nga gamudlat ro mata
gahueat it grasya nga halin kana…
- hay ano -
hay ano…
kun owa ka it makaun
basta ako gatambak ro hamon.
hay ano…
kun iya ka eang sa Pilipinas
basta ako pirme eang mageayas.
hay ano…
kun r’ing baeay hay gabuton
basta ako hay may mansyon.
hay ano eon?
matanga eang kita,
dunganan eang natun
it pagpanagitlun,
kun ro manga manggaranon mageunlon it hamon.
-Bulig gid baea-
Pagkatapos it bagyo
ro manga mabinuligon nga tawo
todo putos it regalo
para ipanao
sa manga apektadong pamueoyo
May akon eang napan-uhan,
ro ibang putos may pangaean
para gid baea masayran?
Nga rato hay halin kay tserman?
Ro iba tudo gid ro suporta,
sa manga tawo nga nagaproblema.
inanod ro pagkabutang,
pati manok nga pamboeang.
May una man nga iba
nagdonar it kwarta
nga gusto pa ibida
kun pila ro ginbulig nanda.
Bulig gid baea?
o may kabaylo nga gusto sanda.
hara ro oras ginhueat nanda
nga makita it iba
nga mabinuligon kuno sanda.
Sa tv ag dyaryo
makita mo ro manga tawo
nga may ambisyon sa gobyerno
ginauesob ro baha makapanao eang it regalo.
Kon tig-aeamihan
ro baeay may tukod
sa katueondan
agod indi’t hapayon
it hangin nga dayuyon
Ro atop
gabaealiskad
sa kabaskugon
Indi makapaeawod
gabukae-bukae
ro eawod
Para may pangsuea
katunggan
ginkuyaktan
kon imo tan-awon
eanas-eanas eon
Manag-a, manikop,
magsag-on’t tapangan
mangahig it kayog
sa katangkehan
Magubod it nipa
agod may tinuea
ieamhay sa sinikpan
tapos payukan
Paghalin ni amihan
malipayon ro tanan
malinaw ro kaeaeawran
makapamunit eonman
Abo nga tawo
sa baybayon
medyo fiesta
kon tan-awon
Sari-saring isda
ro imong Makita
halin sa maeagko
paadto sa maisot
Kon panginhason
ro imong isuyon
sa tangaean ka maadto
abo sanda idto
gapamueot it bato
saang,sikad-sikad, bug-atan
may kagay-kay ag sigay,
imbaw, litog, abahong
agihis, taeaba
puyde sabawan ag kilawon
Kon gusto mo magpahangin
sa baybayon it Jawili
maligos sa baybay
daritso sa busay
Ruyon ro manggad
it aton nga kaeaeawran
ngani kasimanwa
aton gid nga amligan
“Kaeueuoy nga jose”
Si jose
Perti,
Kon magpadeagan
It awto
Abaw, grabe!
Nagaburhot eang.
Hambae nana
Kon mahinay ka
Maabutan it disgrasya
Sa kadasig na
Owa maabti.
Pero bumonggo sa poste
Anang ueo bumotse.
Kaeueuoy nga jose
Nalipatan,
Ro disgrasya
Sumubeang
T’a kana.
“Pabay-i eang nay”
ano ing ginaobra nay?
hambae ni bong;
si bong hay pitong dag-on.
ginaukay ko ro imong
mga luma nga eambong
hay akon nga tapaean
ro mga gisi.
sabat it anang nanay.
ham-an tapaean mo nay?
nangutana imaw it uman.
bong, sa hunyo
gabukas ro eskuylahan.
maiskuyla ka eon bong
owa man kita’t kwarta
pangbakae it ternong kamiseta.
sige eang nay a
puyde pa man ron
basta malimpyu eang
ro anang ilukon.
pabay-i eang nay
maeskuyla gid ako it mayad
agod indi eon kamo
malisdan ni tatay.
hinapeos it nanay ro ueo ni bong
nagtueo ro euha
sa nabatian sa anang unga
ham-an nagtangis ka nay?
owa bong a;
napuling eang ang mata.
“Mahae ko”
(Haead ko sa akong asawa)
Sa unang adlaw ikaw nakilaea
Ro imong tan-aw may kung anung daea
Gapaeanutsot sa kasudlan it akon nga kaeawasan
Eabi gid sa akon nga tagipusuon ikaw nagustuhan.
Owa eon ako nagusik it oras ag tyempo
Basi maunahan pa ako it iba nimong amigo
Sinampit ka magpakasae huo eagi sinimo
Ngani natigayon ro pagsambilog natun.
Ro atun nga pag-iba binugnaan it ginuo
Ngani sa kalibutan ato’ng unga natawo
Ag sa sunod nga binuean maguwa eonman
Ro pangaywa nga bunga it paghigugmaan.
Maskin meyor eang nagkasae katon
Ro aton nga pag-iba owa’t kapares sa iba
Gapalanggaan kita sa oras nga tanan
Owa’t makapabueag hasta kamatayan.
-unga sa karito-
Kato…
gasakay imaw sa karito
ginatikeod it anang tatay ag nanay
paadto sa pangitan-an
bukid nga tambakan; basura it manga gamhanan.
Makaron…
owa eon imaw gasakay
imaw eon gatikeod it karito
ro anang unga gasakay
nga gusto man magtikeod it wasak eon nga karito.
Hasta san-o?
magtiyog sa makara ro pangabuhi nanda.
paano sanda makausoy it ubra?
kun ro ubra indi makaabot kanda.
Kun owa ka man it kilaea
indi ka makasueod sa ubra
pero ro iba maskin owa it diploma
basta ninong si congressman
nagasweldo kada kinsenas ag katapusan it buean.
-Politikadong tawo-
Ro manga kandidato
Mayad eang kun eleksyon
Maski ano’t eayo gusto abuton
Makapangayo eang it bulig nga iboto, promisa ro kabaylo.
Pagkatapos ngani it eleksyon
Ro nagdaog malipayon.
Mintras ro pirde masinueob-on,
Hay naubos ro manggad it pamakae sa boto natun.
Pero ro nagdaog
Gadahan-dahan eon
It pagbawi ko anang gasto
Ko nagtaliwan nga engkwentro.
Ro anang promisa owa eon baliha
Owa eon madumdumi hay grabe imaw kabise.
Owa gid nana panumduma ro pamueoyo nga gamudlat ro mata
gahueat it grasya nga halin kana…
- hay ano -
hay ano…
kun owa ka it makaun
basta ako gatambak ro hamon.
hay ano…
kun iya ka eang sa Pilipinas
basta ako pirme eang mageayas.
hay ano…
kun r’ing baeay hay gabuton
basta ako hay may mansyon.
hay ano eon?
matanga eang kita,
dunganan eang natun
it pagpanagitlun,
kun ro manga manggaranon mageunlon it hamon.
-Bulig gid baea-
Pagkatapos it bagyo
ro manga mabinuligon nga tawo
todo putos it regalo
para ipanao
sa manga apektadong pamueoyo
May akon eang napan-uhan,
ro ibang putos may pangaean
para gid baea masayran?
Nga rato hay halin kay tserman?
Ro iba tudo gid ro suporta,
sa manga tawo nga nagaproblema.
inanod ro pagkabutang,
pati manok nga pamboeang.
May una man nga iba
nagdonar it kwarta
nga gusto pa ibida
kun pila ro ginbulig nanda.
Bulig gid baea?
o may kabaylo nga gusto sanda.
hara ro oras ginhueat nanda
nga makita it iba
nga mabinuligon kuno sanda.
Sa tv ag dyaryo
makita mo ro manga tawo
nga may ambisyon sa gobyerno
ginauesob ro baha makapanao eang it regalo.
03 December 2009
Pampaeubag it Dila
ginsibit ni tay ramon ro ungon it bagungon sa anang siki mintras gapungko sa muhon
kinuhit ni dimit ro nakasab-it nga anglit
si kunang nadanlog sa eunang may daea nga eansang
kaeas-kaeas nagpangeat-as patakas sa eanas
si uka nagpatungka nageaway ra baba
Kinaeo sa maeagkit ro euwag nga eubag
kinaon’t anay ro baeay humapay
Si teroy hinaboy ni kusoy it busoe it kasoy
umasgad ro tutonlan ni juan pagkaon it linanggawan
si inaw may bitbit nga eanggaw nadanlog sa baeanaw
Gumungo ro sugpo putoe ra sungo
ro igot ni diwot natuslok it uhot
si morit namunit eumambid ro bunit
ro maoy ginaoy it eangoy sa sapa
lumigid ro ibid paadto sa bangilid
ro tamilok nga matambok sa puwak luminggaok
nagdiwae ro dila ni uka pagkaon it katumbae
natunok ro tudlo ni unat pagsikop na it pantat
nagkaeay ro tumok nga sigay sa bulsa ni igay
nagkamang ro umang nahueog sa buho nga puno it eunang
bumitay ro eusay nasangit sa bunit ni Ronald
nagduhaw-duhaw ro dueaw nga antulihaw sa sanga it bakhaw
ro gabok nga baeay ni belay humapay sa tup-ay
sinangit ro kawit nga nakasab-it sa likod ni morit
paghampak it humbak ro batik it baroto eumagaak
nabasag ro itlog nga baog pagkahueog sa saeog
Ginuyod it ibid ro eumambid nga eubid
eumambid ro eubid nga nakahigot sa liog it ibid
hinampak ni nay bading it espading ro andang dingding
einueo ni Olu ro ueo it haeo gindat-oe sa bato
einapgot ni dewot it eanot nga higot ro apo nga nagsuhot sa uhot
si islaw nagkutaw sa baeanaw natamsikan ro mata it eam-aw
si islaw nakakita it tungaw gaduhaw-duhaw sa pantaw
ro napueot nga tuway ni belay einamhayan it kamarunggay
ginulipat it unga nga mudlat ro dueanggan ni edat
naghaehae ro saewae ni islaw pagdinugkae it magkae
naeanggi ro sanga it kamansi dahil sa anang bunga nga gapungi-pungi
eumokso si marilou nga baeo sa kurae nga semento
kinuhit ni dimit ro nakasab-it nga anglit
si kunang nadanlog sa eunang may daea nga eansang
kaeas-kaeas nagpangeat-as patakas sa eanas
si uka nagpatungka nageaway ra baba
Kinaeo sa maeagkit ro euwag nga eubag
kinaon’t anay ro baeay humapay
Si teroy hinaboy ni kusoy it busoe it kasoy
umasgad ro tutonlan ni juan pagkaon it linanggawan
si inaw may bitbit nga eanggaw nadanlog sa baeanaw
Gumungo ro sugpo putoe ra sungo
ro igot ni diwot natuslok it uhot
si morit namunit eumambid ro bunit
ro maoy ginaoy it eangoy sa sapa
lumigid ro ibid paadto sa bangilid
ro tamilok nga matambok sa puwak luminggaok
nagdiwae ro dila ni uka pagkaon it katumbae
natunok ro tudlo ni unat pagsikop na it pantat
nagkaeay ro tumok nga sigay sa bulsa ni igay
nagkamang ro umang nahueog sa buho nga puno it eunang
bumitay ro eusay nasangit sa bunit ni Ronald
nagduhaw-duhaw ro dueaw nga antulihaw sa sanga it bakhaw
ro gabok nga baeay ni belay humapay sa tup-ay
sinangit ro kawit nga nakasab-it sa likod ni morit
paghampak it humbak ro batik it baroto eumagaak
nabasag ro itlog nga baog pagkahueog sa saeog
Ginuyod it ibid ro eumambid nga eubid
eumambid ro eubid nga nakahigot sa liog it ibid
hinampak ni nay bading it espading ro andang dingding
einueo ni Olu ro ueo it haeo gindat-oe sa bato
einapgot ni dewot it eanot nga higot ro apo nga nagsuhot sa uhot
si islaw nagkutaw sa baeanaw natamsikan ro mata it eam-aw
si islaw nakakita it tungaw gaduhaw-duhaw sa pantaw
ro napueot nga tuway ni belay einamhayan it kamarunggay
ginulipat it unga nga mudlat ro dueanggan ni edat
naghaehae ro saewae ni islaw pagdinugkae it magkae
naeanggi ro sanga it kamansi dahil sa anang bunga nga gapungi-pungi
eumokso si marilou nga baeo sa kurae nga semento
Haiku sa Akeanon
Precious nadhine - -
Bunga it paghigugma
Ag bugna it makaako
Mag-ilinaway - -
Sin-o ro kaeueuoy?
Manggaranon?
adlaw it tagipusuon - -
si inday namutos
ag eomumpat sa bintana
Buaya - -
gapakalang-kalang sa pungkuan
abo nga pagkaon
Ati-atihan - -
Gakaeasamad ro buoe it sapatos
malipayon ro tanan
Ati-atihan - -
Gadaea it buenas
Sa iba dimalas
bueak - -
gabukadkad sa silak it adlaw
gapahagan-hagan it kasubo
Silhig - -
inde gamiton
makaeapudpod
Paea - -
kun makapang-it
gapaeamuea
Guyom - -
Sige kamang
Owa gid gataeang
bungsod
imong tup-ayon
anay ro sueod
Anwang - -
maski ano kabaskog
kinahang-ean it tubi
Limbok - -
panghueasan ka it mais it eagko
abo gahueat kimo
Nadanlog sa pil-as
naeasgas
ro dahi nga dueas
Bueak - -
sukoe paeang
Ginpamuksi eon
Baeangaw - -
Kun-amat eang gaguwa
nagapaypay ro unga
Eatayan - -
Gahawod-hawod eang
Sa tueod it tubi
Bomi Lake sa Liberia - -
may gatangis nga anino
sa madaeum nga tubi
Amihan - -
gabukae ro eawod
may gadagaay nga bagawbaw
Ugsad - -
gakupkup ro eukos
sa ueang-ueang nga may higot
Sidlangan - -
nagharo ro eangit sa eawod
mintras gasaka ro adlaw
Payag - -
gaduhaw-duhaw sa humbak
sa tunga it eawod
Pataob eon - -
gatinumbo ro guno
paeapos-eapos sa eaya
Bomi Lake - -
may gapanampuay nga unga
gahueat nga may bumotwa
Magmanghod - -
ginhueay ro sambilog nga talisay
sa idaeum it gakatunod nga adlaw.
Graduation - -
gahiyum-hiyom si jose
ro iba gakusmaod.
Pagsaka it adlaw
nagmukeat ro mga bueak
sa gatueo-tueo nga hamog.
Tig-eamig - -
Sumuksok ro isiw sa idaeum
it putoe nga pakpak
Gumuwa ro pantok
sa gagiltak nga itlog
sa pugaran - -
Pantat - -
Gasueay sa baha
gusto abuton ro ginhalinan it tubi
Alibang-bang
Ginban-aw ro anang itlog
gaukiok ro ikog
Gabok nga haligi - -
Tan-awon matibay
ro sueod anay.
Suba it akean - -
einuak ro niyog
gakaeadueay ro eugta
Eam-aw - -
Pagtan-aw nimo
Kita ing anino
Pueo nga tudlo
naging lima sa sangpisok it mata
Boooom - -
Silum - -
Ginpilo it eamang
Ro putoe nga dahon it katumbae
Adlaw it tagipusuon - -
Ginsupsop it abubuyog
Ro bag-ong bukead nga gumamela
Tag-ieinit
Gagiltak ro eugta
Tapu-tapuhon nga mga dahon
Tungang gabii - -
Bumawok ro puso it saging
Dinawat ro malita sa bintana
Ueod - -
Nag-obra it bintana
Sa euo nga dahon it biyawas
Pagsueod it pebrero
Nagbaealiskad ro kaldero
Owa eon kaagi sa hagdan si jose - -
Niluyloy ro sugpon-sugpon nga haboe
sa bukas nga bintana
Pebrero katorse - -
Utro adlaw - -
Kapag-ing ro kaeanasan
Nageapoy ro mga bueak
Pagsueod it Pebrero - -
Dinilaan it eanggam ro paon
Sa eagpit ni lolo
Kaadlawan - -
Nagtiskig ro puti nga buhok
Ag nagabot ro bag-ang
Namaehan ro hunasan - -
Nagkamang ro mga bituon
Sa kaeaeawran it akean
Adlaw it tagipusuon - -
Sumaylo ro hagdan
Sa bintana
Hunas - -
Sumangyad ro baroto
Sa nagatunga nga bato
Pebrero katorse
Nagpaeangeat-as sa kanyugan si jose
Bitbit sangputos nga eambong - -
Buean it Pebrero - -
Nagtanga ro anwang
Sa gabalingaso nga init it adlaw
Magae-om ro kaeangitan - -
Namugo it binuead si jose
Umayagak ro agak su idaeum it baeay
Tig-aeani - -
Nagbaras ro eanggam
Sa tuktukon nga eagpit ni jose
Pagtunod it buean - -
Gumiltak ro bungsod
Sumingil ro ligbus
Mamumugon - -
Ginaeukdo ro arado
Gabanghueay sa hueas
U.S. Airways - -
Naligos sa suba it Hudson
Sa bulig it mga pispis
Linog sa kaeawran - -
Umalagwa ro mga balyena
Paadto sa Manila Bay
China drought - -
Nagmaea ro tutonlan
Sa paghueat it uean
Pahilangpung adlaw it tagipusuon - -
Binuno ro sarili
Sa atubang it ana’ng nobya
Asaw-asaw - -
Nagpanirado ro paea
Lumingling ro ueod
Sir Maeara - -
Sinabeag ro anang kaaeam
Sa mga nakabukead nga paead
Adlaw it kasae - -
May gauyahab
Sa likod it simbahan
Kaadlawan it kasae - -
Gatangis si nanay
Nay ham-an?
Katorse anyos nga gira - -
May palhit nga kapait
Ro hiyum-hiyom it mga Liberians
Sabado’t agahon - -
Nagdaeapitan ro daywang magueang
Gintan-aw ro gapatunod nga adlaw
Adlaw it manga tatay - -
Gapanampuay si jose
Nagatan-aw sa mahaba nga daean
World Bank - -
Bubon it Pilipinas
Kon mahigkuan di kita kasaeuk
Tigtaeanum - -
Umarado ro anwang
Nga may tambutso
Tigtaeanum - -
Binaligya ro anwang
Ag bumakae it saesaeun
Bagyong bising - -
Nagsaot it lambada
Ro payag ni jose
Delivery room - -
Umaeagunta it husto a’ng bilas
Gabanghueay sa hueas
Pagsubat it adlaw - -
Nagtik-eop ro huya-huya
Pagtapak it anwang
Tuburan - -
Hinugasan ro gunot
Sa maeubog nga tubi
Katapusan it Pebrero - -
Nagkaeahueog ro eaya nga dahon
Paghuyop it habagat
Pagtunod it adlaw - -
Ginhulipan it bakero
Ro ana’ng kaeu nga buli
Kagueangan - -
Nagbungkaeas ro mga pispis
Pagtumba it naga
Tawo-tawo sa eanas - -
Eumopad ro maya
Nagpasipeat ro eanggam
Mangingisda - -
Pinunaan ro eaya
Nga kinitkit it eanggam
Turkish airlines - -
Pagtugpa sa eugta
Naging tatlong putoe
Pamamaaeam - -
Pagsaka ko sa jordan airlines
Binalikid ko ro liberia
Marso tris - -
eumagiit ro katri
pag-abot ni jose
Marso 27 - -
nadugangan ro kurinot
sa dahi ni jose
Bukid samat - -
sinaka ni lolo jose
sa pagdumdum it andang kaisog
Adlaw it kagitingan - -
binaid ni lolo jose
ro anang tuktokon nga talibong
Lukay - -
napanot ro ueogbusan
it mga takad ni juan
kuwarisma - -
bumakod ro eugsok
sa eugan-eugan
Pag daeugdog - -
dumaeagan ro unga
ag sumuhot sa binaliling banig
Pagtueo it uean - -
ngumanga ro taeabong
sa likod it anwang
Adlaw it kalibutan - -
pinilak it unga ro basura
sa suba it Pasig
Kilat - -
pihak ro puno't niyog
pagkaagahon
Adlaw it trabahador - -
inaywan ro tigib ag martilyo
umadto sa POEA
Pagsueod it tag-uean
hinulipan ni jose - -
ro mga gabot sa bubongan
Nauna pang tumubo ro hilamon
kaysa sa paeay
sa ueomhan - -
Utro adlaw - -
namuksi it amusikos ro mamumugon
gasandig sa pilapil
Swine flu - -
nanghilamo ro litson
sa turo-turo
Mauean nga agahon - -
kiniwa it baha
ro karsada
Pagsueod it mayo - -
ro tapu-tapo
naging eutay
Kahapunanon - -
nagpahuway ro mananggite
sa pakeang it niyog
mauean nga hapon
tumumbo ro apan
sa kilid it daean
Pagtunod it buean - -
nagtunod man
ro mga handum ni inday
Utro adlaw - -
kumitiw-kitiw ro puyo
sa tagawnan
Pag-abot ni tatay
nabayluhan it kalipay
ro kasubo ni nanay
Tigtaeanum - -
malipayon ro maya
tudo ro ana’ng kanta
Paeuto nga paeay - -
eanggam todo baeanta
sa sueod it patlong
Tigtaeambo - -
eumagaak ro puno it anunuo
sumingil ro ana’ng apo
Aga-aga - -
kumitiw-kitiw ro eago
sa pantok it isiw
Utro adlaw - -
hiningutwan it taeabong
ro dueonggan it anwang
Madueom nga gabii - -
umigpat-igpat ro aninipot
sa eawa it eamang
Paghigugma - -
basa nga panyo
sa idaeum it mahaea
Tigtaeambo - -
lumimpyu
ro puno it anunuo
Aninipot
gaigpat-igpat
sa idaeum it baeay
Tumueo ro hamog
paghapun it antulihaw
sa gabok nga sanga
Unang adlaw it hunyo - -
binitbit ni toto
ro sangpanig nga papel
Magae-um nga hapun - -
namugo it linabhan si juan
sa ibang ugsaran
Pagbukas it klase - -
Malipayon ro
Manga komersyante
Adlaw it kahilwayan - -
Nahueog ro bandera
sa tunga’t karsada
gaigpat-igpat nga aninipot
sinangit sa eawa
naduea
Tungang gabii - -
bumalikutot ro ueod
sa humead nga dahon it naga
Adlaw it manga tatay - -
isaeanhon si tatay
sa baybayon
tungang gabii --
eumagaak ro
puso it saging
Silum--
tumingkaaw ro eago
sa idaeum it bagoe
Pagsubat it adlaw--
pihak nga buean
akon nakit-an
Tig-ueoean
nakita ro gabot
sa bubungan
manugpakalimos
gakurog sa kaeamig
it gabii--
Malinong nga gabii--
nanuktok ro anay
sa sueod it baoe
hubas nga taeagbasan
ban-us nga humay
sa basurahan--
Silum--
nagtikeop ro mata ni lolo
dungan sa dahon it akasya
Tawu-tawo sa eanas--
kun maghangin
gapamaypay it maya
Pagpiyong k’ang mata
maw man pagbugtaw
sa ang painu-ino
nahueog ro pakpak
it daga-daga
pagpang-it it suksok
hulyo baynti dos--
nagpainit-init ro buean
sa silak it adlaw
napihak ro adlaw
pag-agi it buean
sa kaadlawon --
nageaway ro anwang
gatan-aw sa hilamunon
sa sueod it kurae --
adlaw it sona - -
ro mangunguma
balik sa eanas
paghuyop it hangin
mga eaya nga dahon
sa ugsaran - -
tueo it uean --
dungan sa euha
it unga sa may hagdan
Pageubong kay Cory --
abo’ng mata nageuha
pati ro eangit
unang sakop it buean --
may kahayag nga gumuhit
sa kaeangitan
maasaw-asaw nga hapun - -
sumilong ro bakero
sa dahon it kugon
magae-um nga hapun- -
ra’y lolo nga uyahon
may gae-um
bagyong ondoy- -
eawod
sa tunga it syudad
bagyong ondoy- -
ro manga tawo
dinaea sa alipungto
tungang-gabii - -
eumagabog ro bubungan
si nadhine namueaw-mueawan
Piesta it patay - -
kandela
sa binaha nga pantyon
kwarta - -
obrahon ro tanan
mabuoe ka eang
mangunguma - -
gasandig sa pilapil
gapueopanihoe
30 Dec 09 - -
unga nagtangda
sa istatwa ni Rizal
Bunga it paghigugma
Ag bugna it makaako
Mag-ilinaway - -
Sin-o ro kaeueuoy?
Manggaranon?
adlaw it tagipusuon - -
si inday namutos
ag eomumpat sa bintana
Buaya - -
gapakalang-kalang sa pungkuan
abo nga pagkaon
Ati-atihan - -
Gakaeasamad ro buoe it sapatos
malipayon ro tanan
Ati-atihan - -
Gadaea it buenas
Sa iba dimalas
bueak - -
gabukadkad sa silak it adlaw
gapahagan-hagan it kasubo
Silhig - -
inde gamiton
makaeapudpod
Paea - -
kun makapang-it
gapaeamuea
Guyom - -
Sige kamang
Owa gid gataeang
bungsod
imong tup-ayon
anay ro sueod
Anwang - -
maski ano kabaskog
kinahang-ean it tubi
Limbok - -
panghueasan ka it mais it eagko
abo gahueat kimo
Nadanlog sa pil-as
naeasgas
ro dahi nga dueas
Bueak - -
sukoe paeang
Ginpamuksi eon
Baeangaw - -
Kun-amat eang gaguwa
nagapaypay ro unga
Eatayan - -
Gahawod-hawod eang
Sa tueod it tubi
Bomi Lake sa Liberia - -
may gatangis nga anino
sa madaeum nga tubi
Amihan - -
gabukae ro eawod
may gadagaay nga bagawbaw
Ugsad - -
gakupkup ro eukos
sa ueang-ueang nga may higot
Sidlangan - -
nagharo ro eangit sa eawod
mintras gasaka ro adlaw
Payag - -
gaduhaw-duhaw sa humbak
sa tunga it eawod
Pataob eon - -
gatinumbo ro guno
paeapos-eapos sa eaya
Bomi Lake - -
may gapanampuay nga unga
gahueat nga may bumotwa
Magmanghod - -
ginhueay ro sambilog nga talisay
sa idaeum it gakatunod nga adlaw.
Graduation - -
gahiyum-hiyom si jose
ro iba gakusmaod.
Pagsaka it adlaw
nagmukeat ro mga bueak
sa gatueo-tueo nga hamog.
Tig-eamig - -
Sumuksok ro isiw sa idaeum
it putoe nga pakpak
Gumuwa ro pantok
sa gagiltak nga itlog
sa pugaran - -
Pantat - -
Gasueay sa baha
gusto abuton ro ginhalinan it tubi
Alibang-bang
Ginban-aw ro anang itlog
gaukiok ro ikog
Gabok nga haligi - -
Tan-awon matibay
ro sueod anay.
Suba it akean - -
einuak ro niyog
gakaeadueay ro eugta
Eam-aw - -
Pagtan-aw nimo
Kita ing anino
Pueo nga tudlo
naging lima sa sangpisok it mata
Boooom - -
Silum - -
Ginpilo it eamang
Ro putoe nga dahon it katumbae
Adlaw it tagipusuon - -
Ginsupsop it abubuyog
Ro bag-ong bukead nga gumamela
Tag-ieinit
Gagiltak ro eugta
Tapu-tapuhon nga mga dahon
Tungang gabii - -
Bumawok ro puso it saging
Dinawat ro malita sa bintana
Ueod - -
Nag-obra it bintana
Sa euo nga dahon it biyawas
Pagsueod it pebrero
Nagbaealiskad ro kaldero
Owa eon kaagi sa hagdan si jose - -
Niluyloy ro sugpon-sugpon nga haboe
sa bukas nga bintana
Pebrero katorse - -
Utro adlaw - -
Kapag-ing ro kaeanasan
Nageapoy ro mga bueak
Pagsueod it Pebrero - -
Dinilaan it eanggam ro paon
Sa eagpit ni lolo
Kaadlawan - -
Nagtiskig ro puti nga buhok
Ag nagabot ro bag-ang
Namaehan ro hunasan - -
Nagkamang ro mga bituon
Sa kaeaeawran it akean
Adlaw it tagipusuon - -
Sumaylo ro hagdan
Sa bintana
Hunas - -
Sumangyad ro baroto
Sa nagatunga nga bato
Pebrero katorse
Nagpaeangeat-as sa kanyugan si jose
Bitbit sangputos nga eambong - -
Buean it Pebrero - -
Nagtanga ro anwang
Sa gabalingaso nga init it adlaw
Magae-om ro kaeangitan - -
Namugo it binuead si jose
Umayagak ro agak su idaeum it baeay
Tig-aeani - -
Nagbaras ro eanggam
Sa tuktukon nga eagpit ni jose
Pagtunod it buean - -
Gumiltak ro bungsod
Sumingil ro ligbus
Mamumugon - -
Ginaeukdo ro arado
Gabanghueay sa hueas
U.S. Airways - -
Naligos sa suba it Hudson
Sa bulig it mga pispis
Linog sa kaeawran - -
Umalagwa ro mga balyena
Paadto sa Manila Bay
China drought - -
Nagmaea ro tutonlan
Sa paghueat it uean
Pahilangpung adlaw it tagipusuon - -
Binuno ro sarili
Sa atubang it ana’ng nobya
Asaw-asaw - -
Nagpanirado ro paea
Lumingling ro ueod
Sir Maeara - -
Sinabeag ro anang kaaeam
Sa mga nakabukead nga paead
Adlaw it kasae - -
May gauyahab
Sa likod it simbahan
Kaadlawan it kasae - -
Gatangis si nanay
Nay ham-an?
Katorse anyos nga gira - -
May palhit nga kapait
Ro hiyum-hiyom it mga Liberians
Sabado’t agahon - -
Nagdaeapitan ro daywang magueang
Gintan-aw ro gapatunod nga adlaw
Adlaw it manga tatay - -
Gapanampuay si jose
Nagatan-aw sa mahaba nga daean
World Bank - -
Bubon it Pilipinas
Kon mahigkuan di kita kasaeuk
Tigtaeanum - -
Umarado ro anwang
Nga may tambutso
Tigtaeanum - -
Binaligya ro anwang
Ag bumakae it saesaeun
Bagyong bising - -
Nagsaot it lambada
Ro payag ni jose
Delivery room - -
Umaeagunta it husto a’ng bilas
Gabanghueay sa hueas
Pagsubat it adlaw - -
Nagtik-eop ro huya-huya
Pagtapak it anwang
Tuburan - -
Hinugasan ro gunot
Sa maeubog nga tubi
Katapusan it Pebrero - -
Nagkaeahueog ro eaya nga dahon
Paghuyop it habagat
Pagtunod it adlaw - -
Ginhulipan it bakero
Ro ana’ng kaeu nga buli
Kagueangan - -
Nagbungkaeas ro mga pispis
Pagtumba it naga
Tawo-tawo sa eanas - -
Eumopad ro maya
Nagpasipeat ro eanggam
Mangingisda - -
Pinunaan ro eaya
Nga kinitkit it eanggam
Turkish airlines - -
Pagtugpa sa eugta
Naging tatlong putoe
Pamamaaeam - -
Pagsaka ko sa jordan airlines
Binalikid ko ro liberia
Marso tris - -
eumagiit ro katri
pag-abot ni jose
Marso 27 - -
nadugangan ro kurinot
sa dahi ni jose
Bukid samat - -
sinaka ni lolo jose
sa pagdumdum it andang kaisog
Adlaw it kagitingan - -
binaid ni lolo jose
ro anang tuktokon nga talibong
Lukay - -
napanot ro ueogbusan
it mga takad ni juan
kuwarisma - -
bumakod ro eugsok
sa eugan-eugan
Pag daeugdog - -
dumaeagan ro unga
ag sumuhot sa binaliling banig
Pagtueo it uean - -
ngumanga ro taeabong
sa likod it anwang
Adlaw it kalibutan - -
pinilak it unga ro basura
sa suba it Pasig
Kilat - -
pihak ro puno't niyog
pagkaagahon
Adlaw it trabahador - -
inaywan ro tigib ag martilyo
umadto sa POEA
Pagsueod it tag-uean
hinulipan ni jose - -
ro mga gabot sa bubongan
Nauna pang tumubo ro hilamon
kaysa sa paeay
sa ueomhan - -
Utro adlaw - -
namuksi it amusikos ro mamumugon
gasandig sa pilapil
Swine flu - -
nanghilamo ro litson
sa turo-turo
Mauean nga agahon - -
kiniwa it baha
ro karsada
Pagsueod it mayo - -
ro tapu-tapo
naging eutay
Kahapunanon - -
nagpahuway ro mananggite
sa pakeang it niyog
mauean nga hapon
tumumbo ro apan
sa kilid it daean
Pagtunod it buean - -
nagtunod man
ro mga handum ni inday
Utro adlaw - -
kumitiw-kitiw ro puyo
sa tagawnan
Pag-abot ni tatay
nabayluhan it kalipay
ro kasubo ni nanay
Tigtaeanum - -
malipayon ro maya
tudo ro ana’ng kanta
Paeuto nga paeay - -
eanggam todo baeanta
sa sueod it patlong
Tigtaeambo - -
eumagaak ro puno it anunuo
sumingil ro ana’ng apo
Aga-aga - -
kumitiw-kitiw ro eago
sa pantok it isiw
Utro adlaw - -
hiningutwan it taeabong
ro dueonggan it anwang
Madueom nga gabii - -
umigpat-igpat ro aninipot
sa eawa it eamang
Paghigugma - -
basa nga panyo
sa idaeum it mahaea
Tigtaeambo - -
lumimpyu
ro puno it anunuo
Aninipot
gaigpat-igpat
sa idaeum it baeay
Tumueo ro hamog
paghapun it antulihaw
sa gabok nga sanga
Unang adlaw it hunyo - -
binitbit ni toto
ro sangpanig nga papel
Magae-um nga hapun - -
namugo it linabhan si juan
sa ibang ugsaran
Pagbukas it klase - -
Malipayon ro
Manga komersyante
Adlaw it kahilwayan - -
Nahueog ro bandera
sa tunga’t karsada
gaigpat-igpat nga aninipot
sinangit sa eawa
naduea
Tungang gabii - -
bumalikutot ro ueod
sa humead nga dahon it naga
Adlaw it manga tatay - -
isaeanhon si tatay
sa baybayon
tungang gabii --
eumagaak ro
puso it saging
Silum--
tumingkaaw ro eago
sa idaeum it bagoe
Pagsubat it adlaw--
pihak nga buean
akon nakit-an
Tig-ueoean
nakita ro gabot
sa bubungan
manugpakalimos
gakurog sa kaeamig
it gabii--
Malinong nga gabii--
nanuktok ro anay
sa sueod it baoe
hubas nga taeagbasan
ban-us nga humay
sa basurahan--
Silum--
nagtikeop ro mata ni lolo
dungan sa dahon it akasya
Tawu-tawo sa eanas--
kun maghangin
gapamaypay it maya
Pagpiyong k’ang mata
maw man pagbugtaw
sa ang painu-ino
nahueog ro pakpak
it daga-daga
pagpang-it it suksok
hulyo baynti dos--
nagpainit-init ro buean
sa silak it adlaw
napihak ro adlaw
pag-agi it buean
sa kaadlawon --
nageaway ro anwang
gatan-aw sa hilamunon
sa sueod it kurae --
adlaw it sona - -
ro mangunguma
balik sa eanas
paghuyop it hangin
mga eaya nga dahon
sa ugsaran - -
tueo it uean --
dungan sa euha
it unga sa may hagdan
Pageubong kay Cory --
abo’ng mata nageuha
pati ro eangit
unang sakop it buean --
may kahayag nga gumuhit
sa kaeangitan
maasaw-asaw nga hapun - -
sumilong ro bakero
sa dahon it kugon
magae-um nga hapun- -
ra’y lolo nga uyahon
may gae-um
bagyong ondoy- -
eawod
sa tunga it syudad
bagyong ondoy- -
ro manga tawo
dinaea sa alipungto
tungang-gabii - -
eumagabog ro bubungan
si nadhine namueaw-mueawan
Piesta it patay - -
kandela
sa binaha nga pantyon
kwarta - -
obrahon ro tanan
mabuoe ka eang
mangunguma - -
gasandig sa pilapil
gapueopanihoe
30 Dec 09 - -
unga nagtangda
sa istatwa ni Rizal
Luwa nga Akeanon
siyam nga buean
ginbakintoe sa sueod it tiyan
pagguwa sa kalibutan
masukoe sa ginikanan
Maeamig ro kahapunanon
Si nay Tekay ag si tay Pulon
Gaeambid ro tuhod
Sa may balkon galingkod
Piesta it itum nga nasareno
Nagdueotdutan ro manga tawo
Isnatser hara gid ro gusto
Para makuot ro bulsa nimo
gulpi eang akong bumangon
sa tunga it kagabiihun
abi ko ang unga gatangis
gali hay silit it losis
ro akon nga asawa
nagpasuso it amon nga unga
todo man ro eutgot it tunga
mintras nagapatungka
nagalarma ako it aga-aga
agod timprano pa magsueod sa obra
ugaling ro amon nga unga
tungang gabii paeang umayahab eot-a
kamang iya kamang idto
daeagan iya daeagan idto
hayra ro trabaho
ko isaeang ka suldado
ako hay may amigo
si kwarenta singko
mabuot ag masaligan
sa oras nga tanan
malieon manueo kita
sa may punta it Afga
abo nga kogita
gahueat nga panaon
para magpakaon
bulig bira it taksay
agud makahueay
para may pangeamhay
sa tinuea ni nanay
tag-ieinit eonman
gapaeanggiltak ro daean
anwang sa kug-ongan
gausoy it tueogban
Si Jose nagpahaeab it anwang
sa kilid it pang-pang
ga pueopanihoe
mintras gakaon it santoe
Ako hay may amiga
Si mam edna
Mabuot ag gwapa
Maabiabihon ag mabinuligon pa
Kon manggaran ka
abo kang kilaea
kon pobre ka
owa kat kilaea
Sarhento magwidro ka eon
ko aton nga baeonon
hay may panawon
ro aton nga platon
Bangon Liberia
magtinguha ka
agud umalsa
ro ing ikunomiya
Si jose nanag-a
sa liong-liong it sapa
ro anang inuli
guraming sang saga
si kupido ga pamana
bukon it isda
kundi tagipusuon
it mga batan-on
Ham-an baea?
kon halin ka sa probinsya
ag hanaeang ka sa banwa
ginatan-aw tan-aw ka
dahil bay-ong ing daea
indi kaparehas nanda
plastic bag may borda pa
Buaya
nagkalhit sa karsada
gapueopasipeat
ku anang mata
Mahae ko
ikaw nagtao
it daean nga diretso
nga owa ko gienato
kat meron pa ako
Akab
kaeoeouy patyon
Makaueogot buhion
Eaom mo mabuot
Sa sueod ro dukot
Tagipusuon ko
gapitik para kimo
pirteng hibok-hibok
kun ikaw magtueok
gapasaeamat guid ako
sa imong gintao nga oras ag espasyo
para ako makaantigo
Saeamat guid Sir Maeara
sa imong paghaega
sa akon nga ginobra
Malieon masadsad kita
idto sa pastrana
abo nga banda
nga nagapresenta
Mga torista
sige hala bira!
pwera eang pasma
maskin maubos ro kwarta
basta masadya
Sa ati-atihan
iba-ibang tribu
ro makita nimo
nagakiay-kiay
may kulintas nga eusay
Ro mga may panaad
sige eang it sadsad
sa tunog it tamboe
nga nagalinagabong
Ati-atihan eonman
gagueutok ro daean
owa eon it maagyan
ro mga saeakyan
Si edat
may daea nga aeat
naeusat
sa bil-at
Madueom pa ro baybay
idto eon si tatay
gapamueot it segay
si lola nagsasa
nga nakapalda
pag-uli nana
ro anang paa
gapaeamuea
sa pang-it it paea
easgas eon
ro alima ag siki
ku imong ginikanan
sa pagpanarabaho
agod may itao
nga baeon kimo
Owa pa gamukeat ro adlaw
tapos eon ako it pamahaw
para di maaywanan
it amon nga saeakyan
paadto sa ginaobrahan
Sa akon nga pagpahuway
sa kilid it dueay
nag asaw-asaw
gumuwa ro baeangaw
Sa akon nga pagpamaeandong
akon nga hadumduman
ro akon nga inagyan
kat gakaeam ro akon nga tiyan
Gabuyog rang ueo
sa pagpainuino
ro humbak sumaylo
sa mga karsada
gapamueot it bato
Taguipusuon nga hopia
kun may imo manao
kun owa kat-imo
owa’t gatao
Nagtug-on si juan
owa pa naastanan
anang inaywan
pagbalik nana
balitok sumubeang kana
Sa may kanyogan
abo nga putyukan
amon ginsug-an
eumopad ag inaywan
ro anang pugaran
Ro amon nga mangga
abo nga bunga
ro nagapanamkon
gapueopanagitlon
Si lolo
nakatungkod
naglingkod
sa bungsod
Sa akon paghalin
akon ginbilin
paghigugma nga matuod
kimo hanungod
Kun adlaw- -
abu nga bituon
sa baeay namon
manipis eon abi
ro atop nga kugon
Unga halin sa eskuylahan
gagaab buyot sa dueong-gan
pangutana ro ginikanan
ginulipat it maestro
Pakeang sinakyan
sa banglid Nagpaduylon
pag-abot sa dueonan
hanang-it ro dueong-gan
Si jose
sige eang estorya
sa kaklase nana
hakit-an it maestra
eumopad ro pisara
Nanikop ang manghud
idto sa katunggan
tikig nadakpan
sinueod sa tapangan
Sa amon ro baybay
gakaeadueay
ginakaun it tubi
gaeapad ro bibi
Malieon
maadto kita sa hunasan
abo nga panginhason
nga aton pueuton
jose sakaa
ro amon nga mangga
abu nga euto
gakaeapupo
Ro swerte kuno
nakasueat sa paead
pero kun tan-awon
kibueon
Bandera it Pilipinas
sa Liberia gapagaspas
kaibahan sa misyon
magdaea it kalinong
Pataob eon
ro bintoe pahaumon
gaguwa ro alimango
mausoy it pagkaon
Ham-an baea
indi t’a maduea
sa iba ro hisa
gusto pang mangsamad
it pamilyang mayad-ayad
Sa amon nga baryo
abo gadayo
maligos sa baybay
daritso sa busay
Paghalin ko sa amon
eubak-eubak ro karsadahon
pag-uli nakon
sementado eon
Si tatay
halin sa eanas
daritso sa baybay
para manginhas
Akon haeksperyensyahan
mabudlay owa’t tinun-an
puyde ka lokuhon
it mangin-aeamun
Humbak
sa eawod gahaeabok
gabalilin paadto sa binit
kun tumama sa batik gaeagiit
Adlaw gabii
ikaw ginaisip
sa ang painuino
gapaeanutsot
Angklahi it mayad
ro baroto ngaron
basi anuron
it sueog nga dayuyon
Mabahoe ang paghigugma
ayaw’t abusoha
basi maduea
sa sangpisok it mata
Kun mangutang grabe ro aeam-aeam
maski ano imitlang
makahueam eamang
pag-abot it baeayran
indi eon makit-an
hay idto t’a sa bueangan
Ro kabuhi it tawo
kaparehas it baroto
paeutaw-eutaw
kun amat malinaw
pag-abot it kanas-kanas
gapaeangeat-as
Boyti eon
ro hae-o ag eusong
aton eupakon
ro sab-a ngaron
May akon nga amigo
umpisa pa kato
ginsampit ko imaw
nga magsuldado
owa t’a imaw it gusto
Mananggiti
saka sa agahon
pagkahapun
puno ro garapon
Sige simba
paeuhod-euhod pa
paguwa nana
sige hala bira
tsismosa
Sa sueod it simbahan
sobrang diyosnun
inde makapusa it kueon
ro ugali gali
inde makaon
Mananggiti
daea ro kawit
sa likod nakakaw-it
sanggot
sa kilid nakasukbit
Kato anay
ro mga daeaga
naka maria clara
makarun kueang ro tela
Tuba makahieilong
kun masubrahan
mag-aein ing tiyan
kun aeang-aeangon bugriton
May akon nga kilaea
nagdiga
pahutik-hutik pa
akon hasayran
ro anang istorya
andang kanyugan
Ham-an baea?
mabudlay eot-a
magsuoed iya
sa sityo ngara
Viagra
pampatig-a
kun indi makaya
tigok ka
Kun akeanon ka
ayaw’t samara
ro sityo ngara
daya ro giya
agod kita magkieilaea
Viagra
sa iba mo ibaligya
owa kmi it kwarta
nga inugpangumpra
Asawa ko
ikaw eang higugmaun
ueanon ag silakon
hasta kamatayon
Akon hakit-an
sa kilid it kalan
nag-idlap ro bituon
nakadukot sa kueon
Si jose matig-a ra ueo
indi magpamati sa anang lolo
pilit umadto
sa puno it abokado
linagas it karnero
Si jose nagsakay sa anwang
umagi sa eunang
naligos it aeang-aeang
Ro amon nga electrician
generator ginlipyuhan
ro tudlo naputlan
hinigop it cooling fan
Madanlog ro eatayan
Pamuyot it mayad
Basi ka hiliskan
It anang bueoytan
Gauekad
ro manggad
sa eawod
it Akean
Baybayon sa Akean
kanami pamasyaran
it tagipusuon
nga nagahigugmaan
Baeay sa baybayon
may tukod sa katueondan
agod indi hapayon
it hangin nga amihan
Tighabagat sa Akean
malinaw ro kaeaeawran
puyde mamunit,manginhas sa hunasan
may magpatindog it bintahan
ro iba gapamalaran
Akeanon
kaeaeawran
ro isaea nga ginabuean
it pangabuhian
Ham-an baea?
gusto it iba
madali makakwarta
maski ano obrahon
pati dinamita gamiton
Indi mo makita
ro kanamiun it akean
eabi gid ro baybayon
nga ginapabugae namon
kon indi mo adtunan
ag tan-awon
Ginaduyog ako
indi makatueog
pilit nga piyungon
mukeat man gihapon
Masakit ro ang likod
nasobrahan it lingkod
sa pungkoan
nga hawod
Naglimad ang mata
paghuyap it baka
gatabok sa karsada
Jose,
mabahoe ro bukoe
hinaboy it pukoe
it kahampang nga bungkoe.
Paueoulihi
naubosan it swerte
Siin kat-ing umagi
Namueot it dolse?
Abi nimo baylihan
sa tunga it kaeaeawran
gali hay bugsayan
gapamunit it tulingan
Sa akon pagpamana
may akon nakita
mabahoe nga pakoe
gasandig sa duoe
gapueopanihoe
Tudo bugsay
agod makaeampas
sa manga eusay
para indi masangit
ro aton nga bonit
Mahaba nga kaeat
birahon sa baybayon
para madaea
ro may sueod nga eambat
Malieon manaksay
may euta sa baybay
tama eon nga pahuway
ang tiyan gadagaay.
Kapagangan
ginapanaguan
it tulisan
kon eagson
it tambilawan
Nag-adto ako sa pungtod
may akon nakita
abi ko ubod
gali hay tuod
nagahawod-hawod
Abo nga taea-taea
kon may euta
andang sanggiton
ro tulisan
nga nagayabon
Sa idaeum it bilog nga buean
may akon nakit-an
nagahigugmaan
nagsumpaan
Adto ako sa nabas
nakakita ako it guyangkas
may suksok nga tsinelas
nagabaktas
Pag-uli ko sa tangaean
akon nakit-an
bag-o nga basketbolan
ginpandungan
Kapagangan
istaran it kaisdaan
pinaeokpan it dinamita
nagbakwet sanda
Tuyom
matunok ka
maeaea
gapaeamuea
ro imong mata
Idto sa amon
ro muhon
nagakamang
paadto sa pang-pang
Ro amon nga pilapil
nagahabil-habil
ginakinitkit
it kaeapit
Akon ginkaskas
an-um nga kwerdas
gulpi eang linagas
it ayam nga mangtas
Paghalin ko sa baeay
ang unga nagbabay
nagtueo r’ang euha
sa uyahon nag-agay
Ro kasubo nabayluhan it kalipay
sa pag-abot ni tatay
may daea nga tinapay
para sa panimaeay
Kon indi eang sa kwarta
owa t’a ako iya
gatiis it kasubo
sa lugar nga maeayo
Gatueo-tueo ro hueas
sa eawas gaawas
sa paginapas
it madamoe nga bagaas
Nag-adto ako sa baybay
nakakita ako’t sigay
linabo ko it wasay
suminggit it inaway
Kato anay
pagtunog it lingganay
gauli eon sa baeay
makaron
sa eaagan
hasta mahapun
Mga kasimanwa
ako pasenyaha
hay akon pinaea
ro ang kodak iya
Ro anwang
sige eang bira
owa gid pahuwaya
binunaean pa
agod umarangkada
A’ng kaibahan
maadto sa Ghana
napurnada
inaywan it eroplano
humalin it timprano
U.S. Airways
kamayaron nga piloto
ro eroplano
inubrang baroto
U.S. Airways
bungkoe nga eroplano
nainitan t’a siguro
sinubsob r’ang ueo
sa tubi nga nagayelo
BFAR namrublema
sa mga balyena
kon ano ubrahon
hay gusto t’a magpabaybayon
Pag-umuean
ro baha gapangarsada
paalin t’a
ro kanae
puno’t basura
Si jose
nasubrahan sa bahae
nahueog sa kanae
nagngusae
Si jose namintoe
nakakita it bukoe
hanang-it sa duoe
kinaon it kuoe
Pugtunod it buean
umarangkada ro bugsayan
paadto sa kaeawran
manakop it pak-an
Gaikit-ikit
ro manga eagpit
owa gid it eanggam
nga naigpit
Budlay pukawon
gapakuno-kunong tueog
indi gid magbangon
basi suguon
Baeay
it anay
sige eang habok
ginaakad ro eapok
Ginpalibutan eon kuno
ro kuta idto sa sulu
basi may gabot
idto sanda masuhot
Hostage crisis sa sulu
nagkamang ro mga suldado
hay sarado eon kuno
ro kabukiran it Indanan
Sa amon nga banwa
abo nga gwapa
si angel locsin bumisita
ay abaw! Perting kagwapa
Abaw!
mga kasimanwa
ro aton nga banwa
pito eon ro lista
it pagpangeugos
Ro mangin-aeamon
kon amat naduea ro tinun-an
mag-aeayatan
kueang eang magsieingkuban
BFAR nagmadinaeag-on
sa pagtabog
sa mga balyena
nga umalagwa
Wildfire sa Australia
namrublema sanda
kon paalin paeungon
ro nagadaba-daba
nga manga banwa
Ro akon nga saeakyan
dinaea sa paobrahan
akon binalikan
di ko makit-an
idto t’a sa basurahan
Pag-abot ko sa baeay
owa t’a nalipay
ro akon nga unga;
akon pinangutana
ro sabat nana
sin-o ka?
Kaadlawan ni tatay
namilo si nanay
it eambong ni tatay
nga nakatago sa baoe
Adto ako sa Kalibo
nakakita ako’t kalbo
may tus-on nga nigo
ro sueod hay biko
Maski mabahoe ro gasto
sige eang adto
hay mas mabahoe pa kuno
ro anang epekto
Idto sa Ligazpi
may isaeang eaeaki
ay abaw! Perti
ro anang asawa
wa gid pahuwayi
Pag-abot ni bising
ang mata napuling
sa kabaskog it hangin
ro bubong hinalin
Idto sa manila
ro karsada gasaeanga
abo nga tulay
wa man it eutay
Hambae ni lola
bukon’t humay ro mag-asawa
nga puyde ieuad
kon mainitan ka
Akon nga kaibahan
sige pangumpra
pag-abot it kiluhan
ro anang karga
gapaeanobra
Pakontis it kanta
ro ibang umintra
nalipatan ro linya
it andang kanta
Sa puno it pagatpat
may gaigpat-igpat
abi ko mueto eon
gali hay bituon
Pag-adto ko sa syudad
nakakita ako’t bukag
nagahayag
Pag-uli ko sa baeay
naabutan ko si nanay
gapanampuay
gahueat kay tatay
Nay maeskuyla ako
bong, owa kita’t panggasto
sige eang nay
mamunit man si tatay
Uli eon nay
umabot si tatay
hambaea kay tatay mo
owa pa ako ka bingo
Ro pag-unga
bukon’t basta-basta
perting aeagunta
kon mag-una
May akon nga kilaea
ginpaeskuyla
imbes sa eskuylahan
idto t’a sa bueangan
Akon gintaw-taw
ro akon nga bunit
gulpi eang pinang-it
it kuyapnit
Akon sinaka
ro puno it eangka
gulpi eang binugbog
it mabahoe nga kabog
Pag-uli ko sa amon
nageupad ro kueon
owa nadumdumi
naabutan t’a it agahon
Nagmukeat ro mata
pagkakita it grasya
pero kon obra
nagapiyong
Nagpaeanindog
ro akon nga baeahibo
sa pagkilaea
ni sir Maeara
Pagsakay ko sa eroplano
ro akon nga painu-ino
sa Pilipinas eot-a
nagapamiyesta
Si tatay nananggot
sa anang pagbageut
anang tudlo nahapit
it mataeum nga sanggot
Maeas-ay
ro tinapay
kon ro palaman
hay mueay
Ro pal-it ni jose
nabukrit
paalin t’a
ro anang helmet
sa siko nakasab-it
Siin ka maadto?
idto sa kalibo.
maalin ka idto?
mamueot it bato.
Container van
gin-obrang istaran
para kon pabakwiton
madali eang hakwaton
Ro amon nga baroto
indi magdaritso
sa humbak nga maeagko
galiko-liko
Idto sa boracay
abo nga tuway
nagaeaway
sa binit it baybay
Sa adlaw it graduation
Abo nga malipayon
Hay ro andang pag-antos
Natapos eon
Pagkatapos it graduation
Abong mangin-aeamon
Ro magtililipon
Sa POEA
Pageampas it marso
Madugangan eonman
Ro istambay sa kanto
Gapueopanigarilyo
Malipayon ka
Hay nakatapos ka, it pag-eskuyla
May akon eang ipangutana,
Siin ka maobra?
Humibayag si nene
Hay tapos eon si toto
Makabulig eon si toto
Sa pag-eskuyla ni nene
Pagtangda ko sa eangit
Nakita ko ro kuyapnit
May anang ginabitbit
Tuba nga sangkawit
Indi ko maintindihan
Ro akon nga ginabatyagan
Sobra ro a'ng kalipay
Mauli eon ako sa baeay
Mga kasimanwa
Ro aton nga banwa
kon ikaw mangarsada
Pirteng limpyuha
Dahil sa Re-Greening Program nanda
Sa akon pag-uli
Idto sa Jawili
Abo nga nabag-o
Sa amon nga baryo
Pobre kon magkakaso
Prisohan ro diretso
Manggaranon ngani
Itawag pa kay kumpare
Tinukuran ni jose
Ro tabingi nga katri
Agod indi eumagiit
Pag-abot it gabi-i
Pag-abot it uean
Tigasaw dumaeagan
Basi imaw maeumos
Sa uean nga gahagunos
Si abon
May daea'ng kueon
Ro sueod
Adobong tik-eun
Paghalin ko sa amon
ro piso nga baeon
binakae it kueon
ag sinudlan it turon
Mga kasimanwa
Timprano pa ro bisita
It bagyo iya
Sa aton nga banwa
Ean-agon eoman
Ro singa-singa
It baeatingan
Ni lolo juan
Nagreklamo ro saeakyan
Pag-abot it uean
Nageutay ro daean
Puyde eon nga tamnan
Baboy
Ginpasibangdan
Imaw ro hinalinan
It swine flu
Idto sa Mexico
Mauean nga agahon
Nagkaeahueog
Ro eaya nga dahon
Sinaeap it hilamun
O buean,
Panaog iya sa kalibutan
Abo nga nadueman
Nga dapat maiwagan
Haboe nga tatlong doble
Indi gid makapirde
Sa kaeamig it gabii
Gakurog sa binit it katri
Madueom nga gabii
Hinulikap ni jose
Ro ana’ng siki
Nga hanang-it sa alambre
Sa idaeum’t bilog nga buean
Kitang daywa nagsumpaan
Indi magbueag
Hasta kamatayan
Maeamig nga hamog
Ang bueboe nagtindog
Pagsapding sa’ng dapa-dapa
It hilamunong mabasa pa
Mataas nga bukid
Akon sakaun
Maeapad nga eawod
Akon eanguyon
Ro tanan akon ubrahon
Ikaw eang akon maangkon
Maabtik nga eagpit
Eanggam inigpit
Sa sobrang sakit
Eanggam pumiyait
Si butoe
Namintoe
Galingkod sa duoe
Nakadawi‘t bukoe
Pagtueo it uean
Nagtueo man
Ro kasubo sa akon nga dughan
Kat imo ako nga inaywanan
Jose kuhita
Ro euto nga kapaya
Basi maunahan ka
It kabog nga mabahoe it mata
Mag eleksyon eoman
abo ro madaeagan
manga manggaran
ikaw; gusto mo man?
Mabudlay maginhawa
kung r’ing ilong hay gabara
maski alinon’t sipnga
sige ra anang gawa
Sayod man sanda
nga luma C-130 nanda
sinakyan pa
di nadisgrasya
MB commando
gusto maging barko
kinarga tanan nga pasahero
basi man sumirko
Hambae it nanay ni hayden
tinur-an ni katrina
ro andang unga
nga gumamit it droga
mapati ka?
Sa amon kun domingo
gaeupad ro kaldero
paalin si misis
idto t’a gabingo
Maeamig nga hangin
gahap-eos s’ang panit
owa baliha
ro sobrang kainit
Idto sa jawili
ro amon nga kingki
indi magsindi
kun tungang gabii
Manakaw nga manggaw
hinaboy it bangkaw
ni lolo islaw
tinamaan sa kalimutaw
Si nanay nagkalaykay
it binuead nga paeay
sa likod it baeay
nahueogan it li-ay
Idto sa baybay
ro manga sigay
nagkiay-kiay
padto sa due-ay
Abi ko uean nga kaeayo
gatueo halin sa ikatlong grado
gali hay inhenyero
gahinang it yero
Idto sa Liberia
abo nga ita
nagaopisina
indi kapares iya
ginasikway sanda
Kun magadto ka sa vivo
sambilog nga sapa
agyan mo it kapito
bago ka makaabot
igto sa alipungto
Sa paaeabuton nga eleksyon
dapat saeaon ag piliun
ro manga kandidato
nga ibutang sa puwesto
Si juan nagadto sa bueangan
may daea nga mus-an
ana kuno ibueang
pag-uli nahimuebuean
Gapanago ro adlaw
nahadlok matunaw
sa euha it eangit
nga nagasagitsit
Adlaw it manga tatay
gapanampuay si nanay
gahueat kay tatay
nga maguli man sa baeay
Pirte r’ang daeagan
pagtueo it uean
madanlog t’a gali
linampos ang buli
Madueom nga hapun
akon linunlon
ro matambok nga tamilok
sa puwak luminggaok
Kun mainit magreklamo ro tawo
kun maeamig magreklamo man
owa eon it paadtunan
ro nagtuga it kalibutan
Nagsueat ako’t binaeaybay
ro bakaean nagkaeay
abi ko anay
gali hay agay-ay
Pag-adto namon sa boracay
Ang tiyan dumagaay
umadto kami sa kaean-an
naduea rang ginabatyagan
Hinueat ko maghueaw
hasta nagasaw-asaw
ro daean puro eam-aw
todo ra ang liaw-liaw
Sa kabaskog it uean
dumueom ro daean
lumiko-liko ro saeakyan
daritso sa katunggan
Sa akon pagdungaw
sa likod it pantaw
umagi ro manggaw
nagangawngaw
Magae-um ro kaeangitan
manami magwarang
hay owa it init
indi ka maganghit
Todo ra ang daeagan
basi maabutan it uean
natapilok ang baeatingan
linudgod r’ang aliputan
Kumatoe r’ang ueo
abi ko kuto
gali hay uban
nagtubo sa alipudwan
Eaum ko owa it buean
paguwa ko sa daean
nanago manlang gali
sa madamoe nga uean
Namatay si Michael jackson
pero ro anang manga kanta
padayon ro sonata
para kita magkasadya
Naduea si michael jackson
pero ro anang kanta
magapabilin katon
maghapeos sa aton nga tagipusuon
Umuekad ro aso
sa daeapugan ni lolo
may ana nga ginaea-ga
pinayukan nga eangka
Masilaw ang panan-aw
pagtangda ko sa adlaw
abi ko makurap eon
mahayag pa gali gihapon
Mabahoe nga taeabong
sa likod’t anwang tumungtong
lumingot ra ueo sa waea ag tuo
may ginausoy manwit nga itum ra ueo
Kato anay sa amon nga baeay
pag-abot it gabi-i
si nanay gasindi
it di-gas nga kingki
Nagtanum ako’t mangkupa
sa kilid it among banggera
owa’t makabuoe sa bunga
kundi ro akon nga asawa
Owa’t sueod ro amon nga kaldero
si tatay idto sa kanto
gapueopanigarilyo
mintras gahigop it Generoso
Pag-agi it baha
naeuka ro eangka
dumaeagan si oka
ra baka nakahigot sa eangka
Pag-abot it uean
dayon madumdoman
ro gabot sa bubongan
nga owa pa nahulipan
Basta may kaeayo
maguwa gid ro aso
maski isueod mo pa sa drum
ag tabunan it semento
humawod ro eatayan
pag-agi ni juan
sa sobrang kabug-at
it anang ginapas-an
Maski ano’t nami r’ing inubrahan
sangbises ka eang makasaea
tanan eagi maduea
dahil eang sa isaeang ka saea
Pag-agi ko sa daean
manga tawo akon nakit-an
gatangda sa kaeangitan
may ginatan-aw
adlaw ag buean nagkamustahan
Idto sa rigador
tinirador ko ro bulador
nahueog ro emperador
kaibahan it fundador
Buean pinalaman
it adlaw ag kalibutan
ro manga tawo nasadyaan
sa pinakamabuhay nga eclipse
nga natabo sa kalibutan
Kat unga pa ako
hambae ni lolo
kun mag eclipse kuno
ro adlaw kinaon it bakunawa
Uean naghueaw
gumuwa ro adlaw
nanago ro tungaw
paguwa it baeangaw
Tinirador ko ro uwak
tinamaan sa pakpak
tudo ro anang haeakhak
owa gid imaw natapat
Pagmukeat k’ang mata
nagtueo r’ang euha
sa kasubo, owa ka Makita
sa kadlawan it atong unga
Sa kadueom it gabi-i
Gulpi eang nagsindi
Ro puno it kamansi
Dahil sa aninipot
Nga gapatay sindi
Hangin nga mabaskog
Uean ag daeugdog
Unga nanago
Sa idaeum it dapog
Pagdueom it kaeangitan
Si jose dumaeagan
Todo gid ra daeagan
Kaibahan si juan
Nangawa gid ako
Idto sa alipungto
It bukid nga sinaka it grupo
Nagtumpok ro bato
Loko nga kuring
Taw-an mo it saging
Indi gid magtabing
Gusto t’a nana ibis nga sinaing
Pagkapaeong it kingki
Eumagiit ro katri
Suksok nagpanagutsot
Sa bakaean gakapyot
Manamit nga pagkaon
Kaya mo nga tunlon?
Kun ro imong kasimanwa
Gatanga sa gutom!
Pagpungko ko sa bangko
Ang ueo nabunggo
Sa bukoe it anunuo
Nga inubra ni lolo
Paeuto nga paeay
Manga eanggam naghueay
Kun siin andang parte
Kukuton pag-abot it gabii
Pagkatapos it baha
Ro manga bato gumuwa
Sa tunga it karsada
Nagahieilira
Pagpundo it uean
Tunog it paka ro mabatian
Sa kanae ag tueogban
Nagasieinggitan
Ro tubi sa kanae
Nagabukae-bukae
Halin sa tubo it kasilyas
Sa kanae nagaawas
Pagtahop ko it bugas
Ro sangkalitsi nabawas
Ro nigo ko nga ginamit
May gabot ra tagik
Gabiing malinong
May nabatian akong gahagunong
Abi ko buhawi eon
Gali hay tubi gabukae sa kueon
Mabahoe nga bangkat
Sinudlan it balat
Nga pinueot sa dapdap
Ro saeug nageupyat
Bungkoe nga tungaw
Itlog ra pamahaw
Gamantinir ngani ako’t bahaw
Nga salin it bahaw-bahaw
Pageumpat ko sa eroplano
Abi ko nahueog eon ako
Pagbukead it parachute ko
Ay saeamat gid dyos ko
Pagsueod it ber nga buean
Si lolo mahaea ginkupkupan
Nahidlaw kay lola
Sa pihak nga kalibutan
Pagasaw-asaw
gumuwa ro baeangaw
eumopad ro bukaw
linagas it kuring nga manggaw
Nadakpan ko nga pantat
sinueod ko sa aeat
nagpaeak-paeak
ag gulpi eumompat
Hala kamang bao
pagpundo kun may tawo
tagu-a ro i’ng ueo
basi hibagtoe it bakero
Tambo sa kanunouhan
Saha sa kasagingan
Unga sa tiyan
Nga bunga it paghigugmaan
Eleksyon eoman
mamati kita kanda
sa andang manga promisa
pagdumaog balewala eon kita
Kun tig-amihan sa akean
gabukae ro kaeaeawran
ro manga tawo sa baybayon
galikumo kun agahon
Ro baha sa manila
mabuhay eon nga problema
owa pa gid masulbar
sa kaabuan nga lugar
Pag-abot ni ondoy
ro baboy nageangoy
sa kataason it tubi
ro manga tawo nageumoy
Paghubas it baha
eunang ag basura
ro gakalhit sa karsada
idto sa marikina
Pag-agi ni tay pepeng
ro baeay ni lo nolping
hinigot na sa saging
basi maeopad it hangin nga nagahaging
Loko nga ondoy
Tinur-an ro manga tawo mageangoy
Ro indi makaantigo
Sa kanae ro diretso
Paghilangop ni pepeng
Nagpahaum si tay eping
Tinipon ro manga kasapatan
Kaibahan ro kuring
Mayad si pepeng ngara
Naghapit eang iya
Di parehas ni ondoy
Abong tawo ro pinaeumoy
Kanamiun nga dekorasyon
Sa paskwa nga paaeabuton
Ro manga silopin nga basura
Sa puno it kahoy ro kolor iba-iba
Nagwawaw ro bukaw
Owa katagumpaaw
Sa daea nga baeanaw
Ni ondoy ag pepeng
Paano indi magbaha idto sa manila
ro dating maeapad nga suba
pader ag manga pabrika
ro nakabalandra
Pagbaha sa pangasinan
Ro sm sangkuro eang maeapawan
Manga tawo nagdinaeagan
Hay ro dam kuno basi mabuhang
Si tay jose
May bitbit nga poste
Ginausoy ro anang baeay Kun sin eon nga parte
Hay inanod it baha owa gid it swerte
Naobserbahan ko eang baea
Sa manga kasimanwa natong iba
Nagabaeasuean sanda
Ham-an ro kanae nagbara
pag-abot it kagabiihon
nagdaba-daba ro sueo namon
pag-abot it agahon
ro ang ilong agiwon
pageak-ang ko sa halintang
ang waea nga siki sinangit sa alambre
r’ang bitbit nga dueang
nagwasaag ro sueod nga botse
Pag-adto ko sa ugsod
nakakita ako it bungsod
may sigbin nga gatuwad
ro buli hay maeapad
Idto sa tangaean
may ginatawag nga bintahan
payag sa tunga it kaeawran
gadakop it tulisan
Ang unga ag ang asawa
naghampang it dama
napirde ro mama
humibayag si preciousa
Adlaw it manga patay
nagtunog ro agay-ay
tudo ro andang ukay
sa bakaean it amon nga baeay
Abi ko agahon eon
Mahayag abi sa balkon namon
Pagtangda ko sa eangit
Ro buean gatan-aw kakon
Kaeueuoy nga Ronald
Gusto man kunta eumopad
Ugaling ro dueo nga pakpak
Indi gid magbukead
May manga artista
Gusto sumeod sa politika
Ham-an gid baea?
Mabulig gid sanda sa ato’ng banwa?
O gusto eang makakwarta.
Sa panahon makarun
Iya sa kalibutan natun
Ro sampingas nga papel
Puyde magwasak it pamilya nga malipayon
Away ni pacman ag cotto
Ro manga tawo nagpundo
It pagpanarabaho
Para makatan-aw it engkwentro nga gabalingaso
Pagtapak ko sa hilamunon
Basa ro manga dahon
Abi ko hamog it kagabiihun
Gali hay uean kainang agahon
Pinatubog ko ang anwang
Sa sapa nga may eunang
Pagbalik ko para patakasun
Ang anwang gatanga kakon
Kanami gid ana
Kun abu ka it kwarta
Dyos ka kun tan-awon
It manga pobre kapares kakon
Sa kagustuhan it ibang politiko
Nga magpabilin sa puwesto
Ubrahon ro tanan
Masunod eang ro andang gusto
Maeapit eonman
Ro kalibo ati-atihan
Ro manga manakaw
Gapainu-ino eon it pagkakitaan
Ro akon nga asawa
Nagunga sa amon nga pangaywa
Todo gid ro ana nga una
Ro eapsag owa gid gumawa
Sa gabii it bag-ong dag-on
Ro manga pamilya nagtililipon
Agod bilog nga subeangon
Ro pagbaylo it dag-on
ginbakintoe sa sueod it tiyan
pagguwa sa kalibutan
masukoe sa ginikanan
Maeamig ro kahapunanon
Si nay Tekay ag si tay Pulon
Gaeambid ro tuhod
Sa may balkon galingkod
Piesta it itum nga nasareno
Nagdueotdutan ro manga tawo
Isnatser hara gid ro gusto
Para makuot ro bulsa nimo
gulpi eang akong bumangon
sa tunga it kagabiihun
abi ko ang unga gatangis
gali hay silit it losis
ro akon nga asawa
nagpasuso it amon nga unga
todo man ro eutgot it tunga
mintras nagapatungka
nagalarma ako it aga-aga
agod timprano pa magsueod sa obra
ugaling ro amon nga unga
tungang gabii paeang umayahab eot-a
kamang iya kamang idto
daeagan iya daeagan idto
hayra ro trabaho
ko isaeang ka suldado
ako hay may amigo
si kwarenta singko
mabuot ag masaligan
sa oras nga tanan
malieon manueo kita
sa may punta it Afga
abo nga kogita
gahueat nga panaon
para magpakaon
bulig bira it taksay
agud makahueay
para may pangeamhay
sa tinuea ni nanay
tag-ieinit eonman
gapaeanggiltak ro daean
anwang sa kug-ongan
gausoy it tueogban
Si Jose nagpahaeab it anwang
sa kilid it pang-pang
ga pueopanihoe
mintras gakaon it santoe
Ako hay may amiga
Si mam edna
Mabuot ag gwapa
Maabiabihon ag mabinuligon pa
Kon manggaran ka
abo kang kilaea
kon pobre ka
owa kat kilaea
Sarhento magwidro ka eon
ko aton nga baeonon
hay may panawon
ro aton nga platon
Bangon Liberia
magtinguha ka
agud umalsa
ro ing ikunomiya
Si jose nanag-a
sa liong-liong it sapa
ro anang inuli
guraming sang saga
si kupido ga pamana
bukon it isda
kundi tagipusuon
it mga batan-on
Ham-an baea?
kon halin ka sa probinsya
ag hanaeang ka sa banwa
ginatan-aw tan-aw ka
dahil bay-ong ing daea
indi kaparehas nanda
plastic bag may borda pa
Buaya
nagkalhit sa karsada
gapueopasipeat
ku anang mata
Mahae ko
ikaw nagtao
it daean nga diretso
nga owa ko gienato
kat meron pa ako
Akab
kaeoeouy patyon
Makaueogot buhion
Eaom mo mabuot
Sa sueod ro dukot
Tagipusuon ko
gapitik para kimo
pirteng hibok-hibok
kun ikaw magtueok
gapasaeamat guid ako
sa imong gintao nga oras ag espasyo
para ako makaantigo
Saeamat guid Sir Maeara
sa imong paghaega
sa akon nga ginobra
Malieon masadsad kita
idto sa pastrana
abo nga banda
nga nagapresenta
Mga torista
sige hala bira!
pwera eang pasma
maskin maubos ro kwarta
basta masadya
Sa ati-atihan
iba-ibang tribu
ro makita nimo
nagakiay-kiay
may kulintas nga eusay
Ro mga may panaad
sige eang it sadsad
sa tunog it tamboe
nga nagalinagabong
Ati-atihan eonman
gagueutok ro daean
owa eon it maagyan
ro mga saeakyan
Si edat
may daea nga aeat
naeusat
sa bil-at
Madueom pa ro baybay
idto eon si tatay
gapamueot it segay
si lola nagsasa
nga nakapalda
pag-uli nana
ro anang paa
gapaeamuea
sa pang-it it paea
easgas eon
ro alima ag siki
ku imong ginikanan
sa pagpanarabaho
agod may itao
nga baeon kimo
Owa pa gamukeat ro adlaw
tapos eon ako it pamahaw
para di maaywanan
it amon nga saeakyan
paadto sa ginaobrahan
Sa akon nga pagpahuway
sa kilid it dueay
nag asaw-asaw
gumuwa ro baeangaw
Sa akon nga pagpamaeandong
akon nga hadumduman
ro akon nga inagyan
kat gakaeam ro akon nga tiyan
Gabuyog rang ueo
sa pagpainuino
ro humbak sumaylo
sa mga karsada
gapamueot it bato
Taguipusuon nga hopia
kun may imo manao
kun owa kat-imo
owa’t gatao
Nagtug-on si juan
owa pa naastanan
anang inaywan
pagbalik nana
balitok sumubeang kana
Sa may kanyogan
abo nga putyukan
amon ginsug-an
eumopad ag inaywan
ro anang pugaran
Ro amon nga mangga
abo nga bunga
ro nagapanamkon
gapueopanagitlon
Si lolo
nakatungkod
naglingkod
sa bungsod
Sa akon paghalin
akon ginbilin
paghigugma nga matuod
kimo hanungod
Kun adlaw- -
abu nga bituon
sa baeay namon
manipis eon abi
ro atop nga kugon
Unga halin sa eskuylahan
gagaab buyot sa dueong-gan
pangutana ro ginikanan
ginulipat it maestro
Pakeang sinakyan
sa banglid Nagpaduylon
pag-abot sa dueonan
hanang-it ro dueong-gan
Si jose
sige eang estorya
sa kaklase nana
hakit-an it maestra
eumopad ro pisara
Nanikop ang manghud
idto sa katunggan
tikig nadakpan
sinueod sa tapangan
Sa amon ro baybay
gakaeadueay
ginakaun it tubi
gaeapad ro bibi
Malieon
maadto kita sa hunasan
abo nga panginhason
nga aton pueuton
jose sakaa
ro amon nga mangga
abu nga euto
gakaeapupo
Ro swerte kuno
nakasueat sa paead
pero kun tan-awon
kibueon
Bandera it Pilipinas
sa Liberia gapagaspas
kaibahan sa misyon
magdaea it kalinong
Pataob eon
ro bintoe pahaumon
gaguwa ro alimango
mausoy it pagkaon
Ham-an baea
indi t’a maduea
sa iba ro hisa
gusto pang mangsamad
it pamilyang mayad-ayad
Sa amon nga baryo
abo gadayo
maligos sa baybay
daritso sa busay
Paghalin ko sa amon
eubak-eubak ro karsadahon
pag-uli nakon
sementado eon
Si tatay
halin sa eanas
daritso sa baybay
para manginhas
Akon haeksperyensyahan
mabudlay owa’t tinun-an
puyde ka lokuhon
it mangin-aeamun
Humbak
sa eawod gahaeabok
gabalilin paadto sa binit
kun tumama sa batik gaeagiit
Adlaw gabii
ikaw ginaisip
sa ang painuino
gapaeanutsot
Angklahi it mayad
ro baroto ngaron
basi anuron
it sueog nga dayuyon
Mabahoe ang paghigugma
ayaw’t abusoha
basi maduea
sa sangpisok it mata
Kun mangutang grabe ro aeam-aeam
maski ano imitlang
makahueam eamang
pag-abot it baeayran
indi eon makit-an
hay idto t’a sa bueangan
Ro kabuhi it tawo
kaparehas it baroto
paeutaw-eutaw
kun amat malinaw
pag-abot it kanas-kanas
gapaeangeat-as
Boyti eon
ro hae-o ag eusong
aton eupakon
ro sab-a ngaron
May akon nga amigo
umpisa pa kato
ginsampit ko imaw
nga magsuldado
owa t’a imaw it gusto
Mananggiti
saka sa agahon
pagkahapun
puno ro garapon
Sige simba
paeuhod-euhod pa
paguwa nana
sige hala bira
tsismosa
Sa sueod it simbahan
sobrang diyosnun
inde makapusa it kueon
ro ugali gali
inde makaon
Mananggiti
daea ro kawit
sa likod nakakaw-it
sanggot
sa kilid nakasukbit
Kato anay
ro mga daeaga
naka maria clara
makarun kueang ro tela
Tuba makahieilong
kun masubrahan
mag-aein ing tiyan
kun aeang-aeangon bugriton
May akon nga kilaea
nagdiga
pahutik-hutik pa
akon hasayran
ro anang istorya
andang kanyugan
Ham-an baea?
mabudlay eot-a
magsuoed iya
sa sityo ngara
Viagra
pampatig-a
kun indi makaya
tigok ka
Kun akeanon ka
ayaw’t samara
ro sityo ngara
daya ro giya
agod kita magkieilaea
Viagra
sa iba mo ibaligya
owa kmi it kwarta
nga inugpangumpra
Asawa ko
ikaw eang higugmaun
ueanon ag silakon
hasta kamatayon
Akon hakit-an
sa kilid it kalan
nag-idlap ro bituon
nakadukot sa kueon
Si jose matig-a ra ueo
indi magpamati sa anang lolo
pilit umadto
sa puno it abokado
linagas it karnero
Si jose nagsakay sa anwang
umagi sa eunang
naligos it aeang-aeang
Ro amon nga electrician
generator ginlipyuhan
ro tudlo naputlan
hinigop it cooling fan
Madanlog ro eatayan
Pamuyot it mayad
Basi ka hiliskan
It anang bueoytan
Gauekad
ro manggad
sa eawod
it Akean
Baybayon sa Akean
kanami pamasyaran
it tagipusuon
nga nagahigugmaan
Baeay sa baybayon
may tukod sa katueondan
agod indi hapayon
it hangin nga amihan
Tighabagat sa Akean
malinaw ro kaeaeawran
puyde mamunit,manginhas sa hunasan
may magpatindog it bintahan
ro iba gapamalaran
Akeanon
kaeaeawran
ro isaea nga ginabuean
it pangabuhian
Ham-an baea?
gusto it iba
madali makakwarta
maski ano obrahon
pati dinamita gamiton
Indi mo makita
ro kanamiun it akean
eabi gid ro baybayon
nga ginapabugae namon
kon indi mo adtunan
ag tan-awon
Ginaduyog ako
indi makatueog
pilit nga piyungon
mukeat man gihapon
Masakit ro ang likod
nasobrahan it lingkod
sa pungkoan
nga hawod
Naglimad ang mata
paghuyap it baka
gatabok sa karsada
Jose,
mabahoe ro bukoe
hinaboy it pukoe
it kahampang nga bungkoe.
Paueoulihi
naubosan it swerte
Siin kat-ing umagi
Namueot it dolse?
Abi nimo baylihan
sa tunga it kaeaeawran
gali hay bugsayan
gapamunit it tulingan
Sa akon pagpamana
may akon nakita
mabahoe nga pakoe
gasandig sa duoe
gapueopanihoe
Tudo bugsay
agod makaeampas
sa manga eusay
para indi masangit
ro aton nga bonit
Mahaba nga kaeat
birahon sa baybayon
para madaea
ro may sueod nga eambat
Malieon manaksay
may euta sa baybay
tama eon nga pahuway
ang tiyan gadagaay.
Kapagangan
ginapanaguan
it tulisan
kon eagson
it tambilawan
Nag-adto ako sa pungtod
may akon nakita
abi ko ubod
gali hay tuod
nagahawod-hawod
Abo nga taea-taea
kon may euta
andang sanggiton
ro tulisan
nga nagayabon
Sa idaeum it bilog nga buean
may akon nakit-an
nagahigugmaan
nagsumpaan
Adto ako sa nabas
nakakita ako it guyangkas
may suksok nga tsinelas
nagabaktas
Pag-uli ko sa tangaean
akon nakit-an
bag-o nga basketbolan
ginpandungan
Kapagangan
istaran it kaisdaan
pinaeokpan it dinamita
nagbakwet sanda
Tuyom
matunok ka
maeaea
gapaeamuea
ro imong mata
Idto sa amon
ro muhon
nagakamang
paadto sa pang-pang
Ro amon nga pilapil
nagahabil-habil
ginakinitkit
it kaeapit
Akon ginkaskas
an-um nga kwerdas
gulpi eang linagas
it ayam nga mangtas
Paghalin ko sa baeay
ang unga nagbabay
nagtueo r’ang euha
sa uyahon nag-agay
Ro kasubo nabayluhan it kalipay
sa pag-abot ni tatay
may daea nga tinapay
para sa panimaeay
Kon indi eang sa kwarta
owa t’a ako iya
gatiis it kasubo
sa lugar nga maeayo
Gatueo-tueo ro hueas
sa eawas gaawas
sa paginapas
it madamoe nga bagaas
Nag-adto ako sa baybay
nakakita ako’t sigay
linabo ko it wasay
suminggit it inaway
Kato anay
pagtunog it lingganay
gauli eon sa baeay
makaron
sa eaagan
hasta mahapun
Mga kasimanwa
ako pasenyaha
hay akon pinaea
ro ang kodak iya
Ro anwang
sige eang bira
owa gid pahuwaya
binunaean pa
agod umarangkada
A’ng kaibahan
maadto sa Ghana
napurnada
inaywan it eroplano
humalin it timprano
U.S. Airways
kamayaron nga piloto
ro eroplano
inubrang baroto
U.S. Airways
bungkoe nga eroplano
nainitan t’a siguro
sinubsob r’ang ueo
sa tubi nga nagayelo
BFAR namrublema
sa mga balyena
kon ano ubrahon
hay gusto t’a magpabaybayon
Pag-umuean
ro baha gapangarsada
paalin t’a
ro kanae
puno’t basura
Si jose
nasubrahan sa bahae
nahueog sa kanae
nagngusae
Si jose namintoe
nakakita it bukoe
hanang-it sa duoe
kinaon it kuoe
Pugtunod it buean
umarangkada ro bugsayan
paadto sa kaeawran
manakop it pak-an
Gaikit-ikit
ro manga eagpit
owa gid it eanggam
nga naigpit
Budlay pukawon
gapakuno-kunong tueog
indi gid magbangon
basi suguon
Baeay
it anay
sige eang habok
ginaakad ro eapok
Ginpalibutan eon kuno
ro kuta idto sa sulu
basi may gabot
idto sanda masuhot
Hostage crisis sa sulu
nagkamang ro mga suldado
hay sarado eon kuno
ro kabukiran it Indanan
Sa amon nga banwa
abo nga gwapa
si angel locsin bumisita
ay abaw! Perting kagwapa
Abaw!
mga kasimanwa
ro aton nga banwa
pito eon ro lista
it pagpangeugos
Ro mangin-aeamon
kon amat naduea ro tinun-an
mag-aeayatan
kueang eang magsieingkuban
BFAR nagmadinaeag-on
sa pagtabog
sa mga balyena
nga umalagwa
Wildfire sa Australia
namrublema sanda
kon paalin paeungon
ro nagadaba-daba
nga manga banwa
Ro akon nga saeakyan
dinaea sa paobrahan
akon binalikan
di ko makit-an
idto t’a sa basurahan
Pag-abot ko sa baeay
owa t’a nalipay
ro akon nga unga;
akon pinangutana
ro sabat nana
sin-o ka?
Kaadlawan ni tatay
namilo si nanay
it eambong ni tatay
nga nakatago sa baoe
Adto ako sa Kalibo
nakakita ako’t kalbo
may tus-on nga nigo
ro sueod hay biko
Maski mabahoe ro gasto
sige eang adto
hay mas mabahoe pa kuno
ro anang epekto
Idto sa Ligazpi
may isaeang eaeaki
ay abaw! Perti
ro anang asawa
wa gid pahuwayi
Pag-abot ni bising
ang mata napuling
sa kabaskog it hangin
ro bubong hinalin
Idto sa manila
ro karsada gasaeanga
abo nga tulay
wa man it eutay
Hambae ni lola
bukon’t humay ro mag-asawa
nga puyde ieuad
kon mainitan ka
Akon nga kaibahan
sige pangumpra
pag-abot it kiluhan
ro anang karga
gapaeanobra
Pakontis it kanta
ro ibang umintra
nalipatan ro linya
it andang kanta
Sa puno it pagatpat
may gaigpat-igpat
abi ko mueto eon
gali hay bituon
Pag-adto ko sa syudad
nakakita ako’t bukag
nagahayag
Pag-uli ko sa baeay
naabutan ko si nanay
gapanampuay
gahueat kay tatay
Nay maeskuyla ako
bong, owa kita’t panggasto
sige eang nay
mamunit man si tatay
Uli eon nay
umabot si tatay
hambaea kay tatay mo
owa pa ako ka bingo
Ro pag-unga
bukon’t basta-basta
perting aeagunta
kon mag-una
May akon nga kilaea
ginpaeskuyla
imbes sa eskuylahan
idto t’a sa bueangan
Akon gintaw-taw
ro akon nga bunit
gulpi eang pinang-it
it kuyapnit
Akon sinaka
ro puno it eangka
gulpi eang binugbog
it mabahoe nga kabog
Pag-uli ko sa amon
nageupad ro kueon
owa nadumdumi
naabutan t’a it agahon
Nagmukeat ro mata
pagkakita it grasya
pero kon obra
nagapiyong
Nagpaeanindog
ro akon nga baeahibo
sa pagkilaea
ni sir Maeara
Pagsakay ko sa eroplano
ro akon nga painu-ino
sa Pilipinas eot-a
nagapamiyesta
Si tatay nananggot
sa anang pagbageut
anang tudlo nahapit
it mataeum nga sanggot
Maeas-ay
ro tinapay
kon ro palaman
hay mueay
Ro pal-it ni jose
nabukrit
paalin t’a
ro anang helmet
sa siko nakasab-it
Siin ka maadto?
idto sa kalibo.
maalin ka idto?
mamueot it bato.
Container van
gin-obrang istaran
para kon pabakwiton
madali eang hakwaton
Ro amon nga baroto
indi magdaritso
sa humbak nga maeagko
galiko-liko
Idto sa boracay
abo nga tuway
nagaeaway
sa binit it baybay
Sa adlaw it graduation
Abo nga malipayon
Hay ro andang pag-antos
Natapos eon
Pagkatapos it graduation
Abong mangin-aeamon
Ro magtililipon
Sa POEA
Pageampas it marso
Madugangan eonman
Ro istambay sa kanto
Gapueopanigarilyo
Malipayon ka
Hay nakatapos ka, it pag-eskuyla
May akon eang ipangutana,
Siin ka maobra?
Humibayag si nene
Hay tapos eon si toto
Makabulig eon si toto
Sa pag-eskuyla ni nene
Pagtangda ko sa eangit
Nakita ko ro kuyapnit
May anang ginabitbit
Tuba nga sangkawit
Indi ko maintindihan
Ro akon nga ginabatyagan
Sobra ro a'ng kalipay
Mauli eon ako sa baeay
Mga kasimanwa
Ro aton nga banwa
kon ikaw mangarsada
Pirteng limpyuha
Dahil sa Re-Greening Program nanda
Sa akon pag-uli
Idto sa Jawili
Abo nga nabag-o
Sa amon nga baryo
Pobre kon magkakaso
Prisohan ro diretso
Manggaranon ngani
Itawag pa kay kumpare
Tinukuran ni jose
Ro tabingi nga katri
Agod indi eumagiit
Pag-abot it gabi-i
Pag-abot it uean
Tigasaw dumaeagan
Basi imaw maeumos
Sa uean nga gahagunos
Si abon
May daea'ng kueon
Ro sueod
Adobong tik-eun
Paghalin ko sa amon
ro piso nga baeon
binakae it kueon
ag sinudlan it turon
Mga kasimanwa
Timprano pa ro bisita
It bagyo iya
Sa aton nga banwa
Ean-agon eoman
Ro singa-singa
It baeatingan
Ni lolo juan
Nagreklamo ro saeakyan
Pag-abot it uean
Nageutay ro daean
Puyde eon nga tamnan
Baboy
Ginpasibangdan
Imaw ro hinalinan
It swine flu
Idto sa Mexico
Mauean nga agahon
Nagkaeahueog
Ro eaya nga dahon
Sinaeap it hilamun
O buean,
Panaog iya sa kalibutan
Abo nga nadueman
Nga dapat maiwagan
Haboe nga tatlong doble
Indi gid makapirde
Sa kaeamig it gabii
Gakurog sa binit it katri
Madueom nga gabii
Hinulikap ni jose
Ro ana’ng siki
Nga hanang-it sa alambre
Sa idaeum’t bilog nga buean
Kitang daywa nagsumpaan
Indi magbueag
Hasta kamatayan
Maeamig nga hamog
Ang bueboe nagtindog
Pagsapding sa’ng dapa-dapa
It hilamunong mabasa pa
Mataas nga bukid
Akon sakaun
Maeapad nga eawod
Akon eanguyon
Ro tanan akon ubrahon
Ikaw eang akon maangkon
Maabtik nga eagpit
Eanggam inigpit
Sa sobrang sakit
Eanggam pumiyait
Si butoe
Namintoe
Galingkod sa duoe
Nakadawi‘t bukoe
Pagtueo it uean
Nagtueo man
Ro kasubo sa akon nga dughan
Kat imo ako nga inaywanan
Jose kuhita
Ro euto nga kapaya
Basi maunahan ka
It kabog nga mabahoe it mata
Mag eleksyon eoman
abo ro madaeagan
manga manggaran
ikaw; gusto mo man?
Mabudlay maginhawa
kung r’ing ilong hay gabara
maski alinon’t sipnga
sige ra anang gawa
Sayod man sanda
nga luma C-130 nanda
sinakyan pa
di nadisgrasya
MB commando
gusto maging barko
kinarga tanan nga pasahero
basi man sumirko
Hambae it nanay ni hayden
tinur-an ni katrina
ro andang unga
nga gumamit it droga
mapati ka?
Sa amon kun domingo
gaeupad ro kaldero
paalin si misis
idto t’a gabingo
Maeamig nga hangin
gahap-eos s’ang panit
owa baliha
ro sobrang kainit
Idto sa jawili
ro amon nga kingki
indi magsindi
kun tungang gabii
Manakaw nga manggaw
hinaboy it bangkaw
ni lolo islaw
tinamaan sa kalimutaw
Si nanay nagkalaykay
it binuead nga paeay
sa likod it baeay
nahueogan it li-ay
Idto sa baybay
ro manga sigay
nagkiay-kiay
padto sa due-ay
Abi ko uean nga kaeayo
gatueo halin sa ikatlong grado
gali hay inhenyero
gahinang it yero
Idto sa Liberia
abo nga ita
nagaopisina
indi kapares iya
ginasikway sanda
Kun magadto ka sa vivo
sambilog nga sapa
agyan mo it kapito
bago ka makaabot
igto sa alipungto
Sa paaeabuton nga eleksyon
dapat saeaon ag piliun
ro manga kandidato
nga ibutang sa puwesto
Si juan nagadto sa bueangan
may daea nga mus-an
ana kuno ibueang
pag-uli nahimuebuean
Gapanago ro adlaw
nahadlok matunaw
sa euha it eangit
nga nagasagitsit
Adlaw it manga tatay
gapanampuay si nanay
gahueat kay tatay
nga maguli man sa baeay
Pirte r’ang daeagan
pagtueo it uean
madanlog t’a gali
linampos ang buli
Madueom nga hapun
akon linunlon
ro matambok nga tamilok
sa puwak luminggaok
Kun mainit magreklamo ro tawo
kun maeamig magreklamo man
owa eon it paadtunan
ro nagtuga it kalibutan
Nagsueat ako’t binaeaybay
ro bakaean nagkaeay
abi ko anay
gali hay agay-ay
Pag-adto namon sa boracay
Ang tiyan dumagaay
umadto kami sa kaean-an
naduea rang ginabatyagan
Hinueat ko maghueaw
hasta nagasaw-asaw
ro daean puro eam-aw
todo ra ang liaw-liaw
Sa kabaskog it uean
dumueom ro daean
lumiko-liko ro saeakyan
daritso sa katunggan
Sa akon pagdungaw
sa likod it pantaw
umagi ro manggaw
nagangawngaw
Magae-um ro kaeangitan
manami magwarang
hay owa it init
indi ka maganghit
Todo ra ang daeagan
basi maabutan it uean
natapilok ang baeatingan
linudgod r’ang aliputan
Kumatoe r’ang ueo
abi ko kuto
gali hay uban
nagtubo sa alipudwan
Eaum ko owa it buean
paguwa ko sa daean
nanago manlang gali
sa madamoe nga uean
Namatay si Michael jackson
pero ro anang manga kanta
padayon ro sonata
para kita magkasadya
Naduea si michael jackson
pero ro anang kanta
magapabilin katon
maghapeos sa aton nga tagipusuon
Umuekad ro aso
sa daeapugan ni lolo
may ana nga ginaea-ga
pinayukan nga eangka
Masilaw ang panan-aw
pagtangda ko sa adlaw
abi ko makurap eon
mahayag pa gali gihapon
Mabahoe nga taeabong
sa likod’t anwang tumungtong
lumingot ra ueo sa waea ag tuo
may ginausoy manwit nga itum ra ueo
Kato anay sa amon nga baeay
pag-abot it gabi-i
si nanay gasindi
it di-gas nga kingki
Nagtanum ako’t mangkupa
sa kilid it among banggera
owa’t makabuoe sa bunga
kundi ro akon nga asawa
Owa’t sueod ro amon nga kaldero
si tatay idto sa kanto
gapueopanigarilyo
mintras gahigop it Generoso
Pag-agi it baha
naeuka ro eangka
dumaeagan si oka
ra baka nakahigot sa eangka
Pag-abot it uean
dayon madumdoman
ro gabot sa bubongan
nga owa pa nahulipan
Basta may kaeayo
maguwa gid ro aso
maski isueod mo pa sa drum
ag tabunan it semento
humawod ro eatayan
pag-agi ni juan
sa sobrang kabug-at
it anang ginapas-an
Maski ano’t nami r’ing inubrahan
sangbises ka eang makasaea
tanan eagi maduea
dahil eang sa isaeang ka saea
Pag-agi ko sa daean
manga tawo akon nakit-an
gatangda sa kaeangitan
may ginatan-aw
adlaw ag buean nagkamustahan
Idto sa rigador
tinirador ko ro bulador
nahueog ro emperador
kaibahan it fundador
Buean pinalaman
it adlaw ag kalibutan
ro manga tawo nasadyaan
sa pinakamabuhay nga eclipse
nga natabo sa kalibutan
Kat unga pa ako
hambae ni lolo
kun mag eclipse kuno
ro adlaw kinaon it bakunawa
Uean naghueaw
gumuwa ro adlaw
nanago ro tungaw
paguwa it baeangaw
Tinirador ko ro uwak
tinamaan sa pakpak
tudo ro anang haeakhak
owa gid imaw natapat
Pagmukeat k’ang mata
nagtueo r’ang euha
sa kasubo, owa ka Makita
sa kadlawan it atong unga
Sa kadueom it gabi-i
Gulpi eang nagsindi
Ro puno it kamansi
Dahil sa aninipot
Nga gapatay sindi
Hangin nga mabaskog
Uean ag daeugdog
Unga nanago
Sa idaeum it dapog
Pagdueom it kaeangitan
Si jose dumaeagan
Todo gid ra daeagan
Kaibahan si juan
Nangawa gid ako
Idto sa alipungto
It bukid nga sinaka it grupo
Nagtumpok ro bato
Loko nga kuring
Taw-an mo it saging
Indi gid magtabing
Gusto t’a nana ibis nga sinaing
Pagkapaeong it kingki
Eumagiit ro katri
Suksok nagpanagutsot
Sa bakaean gakapyot
Manamit nga pagkaon
Kaya mo nga tunlon?
Kun ro imong kasimanwa
Gatanga sa gutom!
Pagpungko ko sa bangko
Ang ueo nabunggo
Sa bukoe it anunuo
Nga inubra ni lolo
Paeuto nga paeay
Manga eanggam naghueay
Kun siin andang parte
Kukuton pag-abot it gabii
Pagkatapos it baha
Ro manga bato gumuwa
Sa tunga it karsada
Nagahieilira
Pagpundo it uean
Tunog it paka ro mabatian
Sa kanae ag tueogban
Nagasieinggitan
Ro tubi sa kanae
Nagabukae-bukae
Halin sa tubo it kasilyas
Sa kanae nagaawas
Pagtahop ko it bugas
Ro sangkalitsi nabawas
Ro nigo ko nga ginamit
May gabot ra tagik
Gabiing malinong
May nabatian akong gahagunong
Abi ko buhawi eon
Gali hay tubi gabukae sa kueon
Mabahoe nga bangkat
Sinudlan it balat
Nga pinueot sa dapdap
Ro saeug nageupyat
Bungkoe nga tungaw
Itlog ra pamahaw
Gamantinir ngani ako’t bahaw
Nga salin it bahaw-bahaw
Pageumpat ko sa eroplano
Abi ko nahueog eon ako
Pagbukead it parachute ko
Ay saeamat gid dyos ko
Pagsueod it ber nga buean
Si lolo mahaea ginkupkupan
Nahidlaw kay lola
Sa pihak nga kalibutan
Pagasaw-asaw
gumuwa ro baeangaw
eumopad ro bukaw
linagas it kuring nga manggaw
Nadakpan ko nga pantat
sinueod ko sa aeat
nagpaeak-paeak
ag gulpi eumompat
Hala kamang bao
pagpundo kun may tawo
tagu-a ro i’ng ueo
basi hibagtoe it bakero
Tambo sa kanunouhan
Saha sa kasagingan
Unga sa tiyan
Nga bunga it paghigugmaan
Eleksyon eoman
mamati kita kanda
sa andang manga promisa
pagdumaog balewala eon kita
Kun tig-amihan sa akean
gabukae ro kaeaeawran
ro manga tawo sa baybayon
galikumo kun agahon
Ro baha sa manila
mabuhay eon nga problema
owa pa gid masulbar
sa kaabuan nga lugar
Pag-abot ni ondoy
ro baboy nageangoy
sa kataason it tubi
ro manga tawo nageumoy
Paghubas it baha
eunang ag basura
ro gakalhit sa karsada
idto sa marikina
Pag-agi ni tay pepeng
ro baeay ni lo nolping
hinigot na sa saging
basi maeopad it hangin nga nagahaging
Loko nga ondoy
Tinur-an ro manga tawo mageangoy
Ro indi makaantigo
Sa kanae ro diretso
Paghilangop ni pepeng
Nagpahaum si tay eping
Tinipon ro manga kasapatan
Kaibahan ro kuring
Mayad si pepeng ngara
Naghapit eang iya
Di parehas ni ondoy
Abong tawo ro pinaeumoy
Kanamiun nga dekorasyon
Sa paskwa nga paaeabuton
Ro manga silopin nga basura
Sa puno it kahoy ro kolor iba-iba
Nagwawaw ro bukaw
Owa katagumpaaw
Sa daea nga baeanaw
Ni ondoy ag pepeng
Paano indi magbaha idto sa manila
ro dating maeapad nga suba
pader ag manga pabrika
ro nakabalandra
Pagbaha sa pangasinan
Ro sm sangkuro eang maeapawan
Manga tawo nagdinaeagan
Hay ro dam kuno basi mabuhang
Si tay jose
May bitbit nga poste
Ginausoy ro anang baeay Kun sin eon nga parte
Hay inanod it baha owa gid it swerte
Naobserbahan ko eang baea
Sa manga kasimanwa natong iba
Nagabaeasuean sanda
Ham-an ro kanae nagbara
pag-abot it kagabiihon
nagdaba-daba ro sueo namon
pag-abot it agahon
ro ang ilong agiwon
pageak-ang ko sa halintang
ang waea nga siki sinangit sa alambre
r’ang bitbit nga dueang
nagwasaag ro sueod nga botse
Pag-adto ko sa ugsod
nakakita ako it bungsod
may sigbin nga gatuwad
ro buli hay maeapad
Idto sa tangaean
may ginatawag nga bintahan
payag sa tunga it kaeawran
gadakop it tulisan
Ang unga ag ang asawa
naghampang it dama
napirde ro mama
humibayag si preciousa
Adlaw it manga patay
nagtunog ro agay-ay
tudo ro andang ukay
sa bakaean it amon nga baeay
Abi ko agahon eon
Mahayag abi sa balkon namon
Pagtangda ko sa eangit
Ro buean gatan-aw kakon
Kaeueuoy nga Ronald
Gusto man kunta eumopad
Ugaling ro dueo nga pakpak
Indi gid magbukead
May manga artista
Gusto sumeod sa politika
Ham-an gid baea?
Mabulig gid sanda sa ato’ng banwa?
O gusto eang makakwarta.
Sa panahon makarun
Iya sa kalibutan natun
Ro sampingas nga papel
Puyde magwasak it pamilya nga malipayon
Away ni pacman ag cotto
Ro manga tawo nagpundo
It pagpanarabaho
Para makatan-aw it engkwentro nga gabalingaso
Pagtapak ko sa hilamunon
Basa ro manga dahon
Abi ko hamog it kagabiihun
Gali hay uean kainang agahon
Pinatubog ko ang anwang
Sa sapa nga may eunang
Pagbalik ko para patakasun
Ang anwang gatanga kakon
Kanami gid ana
Kun abu ka it kwarta
Dyos ka kun tan-awon
It manga pobre kapares kakon
Sa kagustuhan it ibang politiko
Nga magpabilin sa puwesto
Ubrahon ro tanan
Masunod eang ro andang gusto
Maeapit eonman
Ro kalibo ati-atihan
Ro manga manakaw
Gapainu-ino eon it pagkakitaan
Ro akon nga asawa
Nagunga sa amon nga pangaywa
Todo gid ro ana nga una
Ro eapsag owa gid gumawa
Sa gabii it bag-ong dag-on
Ro manga pamilya nagtililipon
Agod bilog nga subeangon
Ro pagbaylo it dag-on
Subscribe to:
Comments (Atom)
