luwa

Pagtangda ko sa eangit
Nakita ko to bituon
Sa pihak nga buean
Nagapaeapit

Ku nagtaliwan nga eleksyon
Ro akon nga binuto
Wa gid katagumpaaw
Nilampaso gid it husto

Pageubog ko kabii
Ra’ng kadueoygon kabuhay umagi
Pagpiyong k’ang mata
Nagsinggit ro amon nga baka

Pagbugtaw ko it tungang-gabii
May akon nga nabatian
Naghutik sa a’ng dueonggan
Pagtan-aw ko, namuk nagadueotdutan

Idto ako nagtueog sa ginaobrahan
Ro aircon ginbuksan
Sa sobrang eamig nga nabatyagan
Ginhaboe ko pati pamahiran