Haiku

tig-eamig - -
nagisi ro haboe
sa tunga-tunga

wildlife for sale - -
an income
for the needy

Dugang sa a'ng manga Obra

nagaeangkaban ro daywang akab nga ayam


Nabatyagan ko ro eamig sa akon nga panit
Sa manga dahon it gilon sa daeanon nagapangablit
Pero ro akon nga taguipusuon
Bungoe sa imong ginasinggit


New york - -
Sumuhot ro tulay
Sa isaea pa nga tulay


-Silopin –

Hinumot it unga ro silopin nga may sueod nga kung ano.
Ginpislit gid nana basi kun sumongaw ro hugom kato.
Paghumot nana dayon limad ko anang mata,
Gaeilisik nga mingko bombilya.
Kaparehas sa mata it saeakyan,
Nagaiwag sa ana nga aeagyan.
Sa anang paghinumot,
Ro ana nga eawas dahan-dahan nga naghiyos,
Pati ra painu-ino nagarimolyino.

pampaeubag it dila

kinuhit ni dimit ro nakasab-it nga anglit

si kunang nadanlog sa eunang may daea nga eansang

kaeas-kaeas nagpangeat-as patakas sa eanas

si uka nagpatungka nageaway ra baba

Kinaeo sa maeagkit ro euwag nga eubag

kinaon’t anay ro baeay humapay

Si teroy hinaboy ni kusoy it busoe it kasoy

umasgad ro tutonlan ni juan pagkaon it linanggawan

si inaw may bitbit nga eanggaw nadanlog sa baeanaw

Gumungo ro sugpo putoe ra sungo

ro igot ni diwot natuslok it uhot

si morit namunit eumambid ro bunit

ro maoy ginaoy it eangoy sa sapa

lumigid ro ibid paadto sa bangilid

ro tamilok nga matambok sa puwak luminggaok

nagdiwae ro dila ni uka pagkaon it katumbae

natunok ro tudlo ni unat pagsikop na it pantat

nagkaeay ro tumok nga sigay sa bulsa ni igay

nagkamang ro umang nahueog sa buho nga puno it eunang
bumitay ro eusay nasangit sa bunit ni Ronald

nagduhaw-duhaw ro dueaw nga antulihaw sa sanga it bakhaw

ro gabok nga baeay ni belay humapay sa tup-ay

sinangit ro kawit nga nakasab-it sa likod ni morit

paghampak it humbak ro batik it baroto eumagaak

nabasag ro itlog nga baog pagkahueog sa saeog

Ginuyod it ibid ro eumambid nga eubid

eumambid ro eubid nga nakahigot sa liog it ibid

hinampak ni nay bading it espading ro andang dingding

einueo ni Olu ro ueo it haeo gindat-oe sa bato

einapgot ni dewot it eanot nga higot ro apo nga nagsuhot sa uhot

si islaw nagkutaw sa baeanaw natamsikan ro mata it eam-aw

si islaw nakakita it tungaw gaduhaw-duhaw sa pantaw

ro napueot nga tuway ni belay einamhayan it kamarunggay

ginulipat it unga nga mudlat ro dueanggan ni edat

naghaehae ro saewae ni islaw pagdinugkae it magkae

naeanggi ro sanga it kamansi dahil sa anang bunga nga gapungi-pungi

ginsibit ni tay ramon ro ungon it bagungon sa anang siki mintras gapungko sa muhon

nagkaeala ro manga paka pagtugpa it uean sa eugta

nagbukae ro ang ienaga nga gutaw

Mananggiti

Haiku

112th adlaw’t kahilwayan - -
Lumimpyo
Ro rebolto ni Bonipasyo

haiku

enrollment - -
jose
nights makes day

bukas it klase - -
bukas man ro kahita
it manga ginikanan

farewell - -
smile in the face
tears in the heart

love triangle - -
two happy
one lonely

Luwa

Pirme r’ang taya sa lotto
Basi maging milyonaryo
Kaparehas ni pepito manaloto
Ro kwarta gapaeanubra sa bangko

luwa

Pagtangda ko sa eangit
Nakita ko to bituon
Sa pihak nga buean
Nagapaeapit

Ku nagtaliwan nga eleksyon
Ro akon nga binuto
Wa gid katagumpaaw
Nilampaso gid it husto

Pageubog ko kabii
Ra’ng kadueoygon kabuhay umagi
Pagpiyong k’ang mata
Nagsinggit ro amon nga baka

Pagbugtaw ko it tungang-gabii
May akon nga nabatian
Naghutik sa a’ng dueonggan
Pagtan-aw ko, namuk nagadueotdutan

Idto ako nagtueog sa ginaobrahan
Ro aircon ginbuksan
Sa sobrang eamig nga nabatyagan
Ginhaboe ko pati pamahiran

haiku

early evening - -
planet venus and crescent moon
together

domingo’t gabii - -
bituon ag pihak nga buean
nagtanan

Luwa

Kainang agahon owa ako nagkaun
Mapuasa hay kwarisma makaron
Pag-abot it utro-adlaw ang panan-aw nagdueom
May gaigpat-igpat nga bituon sa sobrang gutom

Add Glitter to Pictures

haiku

madanga-danga nga hapon - -
maeamig nga kape
sa pasamano

luwa

Owa gid it kalibutan ro manga batan-on
Sa manga rali sanda gamiton
Mainit abi ro anda nga baeatyagun
Sangkiri eang nga suesoe dayon obrahon

Nang-ayat pa nga clottey
Pasaot-saot pa, pasaka sa ring
Abi ko mayad manapungoe
Gali ra inumok inobrang haboe

Pagtaya ko it lotto
Nakita ko si lolo
May kumkom nga piso
Ibakae na kuno it awto

paghigugma

Ro Paghigugma ni Iska kay Isko

Tungang gabii eon
Nagtikeop eon ro manga dahon
Maski ro manga agagangis
Naghipos eon it pagtinangis.

Pero si iska gamukeat pa ro mata
Nagapamatyag may magtikeod it anda nga pwerta
Ginahueat ro pag-abot it anang asawa.

Agahon eon,
Eumagiit ro pwerta liningling ni Iska
Si isko gapaeamuea ro mata.

Si iska nangutana.
Ano nakakaun ka eon?
Paghueat eang anay hay initon ko ro tinuea
Manok ro eamhay kara.

Ugaling si isko sa kwarto dumeritso
Eumobog sa katri
Ag humueagok it diretso.

Namahaw lang si iska
Nga nagatueo ro euha sa mata
Sa painu-ino may pangutana
Ham-an makaraya ro ana’ng asawa.

Sunod nga adlaw,
Si isko umuli it Timprano,
Si iska abo gid ro kahangawa.
Dayon eagi timpla it kape sa asawa.

Si isko nagkumpisar kana
Nga patawaron sa saea nga naobra nana
Si iska nagpiyong nga gatueo ro euha sa mata
Kinupkupan ro ana’ng asawa.

Inaywan gali si isko it anang number 2.
Sumunod sa ibang eaki nga may daeang awto.
Hay owa eon abi imaw it pangsustinto,
Maski pangkoloreti it ana’ng number 2.

Isko mahae ko,
Gapasaeamat gid ako sa atong ginuo,
Ginsabat ro akon nga pangamuyo,
Nga ikaw eon hay magbag-o.

haiku

14 Feb 10 - -
tok,tok,tok,
happy valentine’s day

paaeabutong eleksyon - -
kun adlaw papel ro ginapanupod
kun gabii kwarta

kwarisma - -
ro manga pantat
nagbaktas pailawod

el niño - -
a swan shivers
beside the near dry river

luwa

Patabok ako sa eatayan
namuyot ako sa bueoytan
madanlog ro a’ng nabatyagan
may sawa gali sa bueoytan

Gulpi akong namueawmueawan
May naghutik sa akon nga dueonggan
Pagmukeat k’ang mata
Namok gali sa ako’ng talinga

Paglingling ko sa idaeum it katre
Ro alikabok abaw pirte
Sangbuean owa nalimpyuhi
Puyde eon nga tamnan it kamote

Glitter Graphics

Add Glitter to your Photos

Create cool Profile Comments

Glitter Graphics